सूरजपुर पुलिस ह 10 लाख कीमत के गवाये मोबाईल बरामद करके संबंधित ल सौंपिन

अंजोर.सूरजपुर। जिला ले गुम होए मोबाइल ल खोजे के खातिर सूरजपुर पुलिस के कोति ले विशेष अभियान चलाये गीस। आज तक बरामद होए 42 मोबाइल ल संबंधित व्यक्ति ल सौंपे गिस। ये मोबाइल सर्विलांस म लगाके ट्रेस करे गे रिहिस। पुलिस अधीक्षक सूरजपुर राजेश कुकरेजा के निर्देशन म गुम होए मोबाइल ल खोजे के खातिर विशेष अभियान चलाये गीस। जेमा साइबर सेल ल आवश्यक निर्देश दे गिस के जो मोबाइल गुम होए संबंधी आवेदन प्राप्त होही उंकर तुरंत ही निराकरण करे जाए। जिस म सर्विलांस म लगाके गुम मोबाईल ल ट्रेस करे गिस। मोबाइल बरामद होए म आवेदक ल उंकर मोबाईल सुपुर्द करे गिस।

करीब 10 लाख रुपिया के 42 मोबाइल सुपुर्द करे गिस

जेमा आवेदक ए.आर.मानिकपुरी, ऋषि देवांगन, रमन सिंह, जीवधन प्रजापति, जर्नादन प्रसाद, राजेन्द्र केरकेट्टा, अंजली रवि, जितेन्द्र राजवाड़े, विवेक, संजय, दिलीप देशमुख, संधारी राम देवांगन, ओ.पी.तिवारी, ओमप्रकाश राजवाड़े, अंचल साहू, शशि कुमार सिन्हा, उकत्य सिंह, विलोन बड़ा, राकेश यादव, जयकरन सिंह, सुरेश कुमार ल उंकर गुम हुए मोबाईल दीस गीस। येकर अलावा 22 आन लोगन जो जिला के आने-आने क्षेत्र के निवासी हावय ओला संबंधित रिहिस चौकी के माध्यम ले मोबाईल ल सौंपे जाही। मोबाइल खोजे म साइबर सेल ले आरक्षक युवराज यादव, रौशन सिंह, विनोद सारथी के महत्वपूर्ण भूमिका रेहिस हावय। 

लगातार जारी रइही अभियान

पुलिस अधीक्षक कुकरेजा ह बताइन के जिला के पुलिस के डहर ले गुम मोबाईल खोजे के ये अभियान लगातार जारी रइही। ओमन किहिन के जेन नागरिक के मोबाईल गुमे रिहिस उंकर मोबाईल ल खोजके ओला वापस करे गे हावय, मोबाईल पाके नागरिक म संतोष के भाव दिखे हावय। ओमन किहिन के पिछले साल भी गुम मोबाईल ल खोजे म जिला के पुलिस ह संबंधित व्यक्ति ल सौंपे रिहिस। ए बखत अतिरिक्त पुलिस अधीक्षक हरीश राठौर, कार्यालय अधीक्षक संतोष वर्मा, अखिलेश सिंह, एएसआई संजय सिंह, जे.एन.साहू सहित आन अधिकारी-कर्मचारी मौजूद रिहिस।