सहसपुर लोहारा के ग्राम कोटवार मनला मिलिस थाना कोति ले हेलमेट

अंजोर. कबीरधाम। पुलिस अधीक्षक कबीरधाम के निर्देश म थाना सहसपुर लोहारा के अंतर्गत यातायात सुरक्षा अउ नियम के जानकारी के खातिर अभियान सेतु के शुभांरभ करे गिस। ये अभियान म ग्राम के कोटवार मनला जोड़ के ओ मनला अपन अपन गांव म यातायात के नियम के प्रचार-प्रसार के जिम्मा दिये गिस। मिले आरो के मुताबिक ग्राम कोटवार मनला थाना को‍ति ले सुरक्षा कवच ‘बाईक हेलमेट’ बांटे गिस। संगे-संग क्षेत्र म होली के पहिली सुरक्षा के सेती ले निकाले गिस ग्राम कोटवार मनके संग फ्लैग मार्च। जेमा थाना सहसपुर लोहारा पुलिस अधिकारी संग आन-आन गांव के गजब झिन कोटवार मन तको जुरियाए रिहिन।