स्कूल म कार्यरत स्टॉफ ल नियमित रूप ले आना होही स्कूल : लोक शिक्षण संचालनालय

अंजोर.रायपुर। राज्य शासन डहर ले कोरोना संक्रमण ल दृष्टिगत रखत हुए आगामी आदेश तक राज्य के सबो शासकीय अउ अशासकीय स्कूल ल बंद करे के निर्देश दिए गे हावय। स्कूल बंद रेहे के दौरान स्कूल म कार्यरत समस्त स्टॉफ, शिक्षणगण अउ आन कर्मचारी मनला नियमित रूप ले स्कूल आना होही। ये संबंध म लोक शिक्षण संचालनालय कोति ले सबो जिला शिक्षा अधिकारी ल आदेश जारी करे गे हावय के स्कूल बंद रेहे के दौरान स्कूल म कार्यरत स्टॉफ कोरोना संबंधित दिशा-निर्देश के पालन करत हुए कार्यालयीन दिवस म शत-प्रतिशत उपस्थिति सुनिश्चित करें अउ ये निर्देश के कड़ाई ले पालन सुनिश्चित करे जाए। जानबा होवय के राज्य शासन के आदेशानुसार कक्षा 10वीं अउ 12वीं की बोर्ड परीक्षा छत्तीसगढ़ माध्यमिक शिक्षा मण्डल डहर ले पूर्व घोषित कार्यक्रम के अनुसार ऑफलाइन मोड म ले जाही।