शहीद दिवस के मउका म महान सपूत भगत सिंह, सुखदेव अउ राजगुरू के बलिदान ल नमन करिन मुख्यमंत्री

अंजोर.रायपुर। शहीद दिवस के मउका म देश के महान सपूत भगत सिंह, सुखदेव अउ राजगुरू ल नमन करत प्रदेश के मुखिया भूपेश बघेल ह श्रद्धांजलि अर्पित करिन हावय। श्री बघेल ह किहिन के देश के आजादी के खातिर अपन प्राण ल न्यौछावर करइया देशभक्त मनके त्याग अउ बलिदान अविस्मरणीय हावय। देश के आजादी के खातिर वो देश भक्त मन ह हंसत-हंसत अपन प्राण के आहुति दीस। उंकर बलिदान युग-युग तक भारतीय जनमानस ल प्रेरणा देत रइही।