कोरबा पुलिस लीस गुंडा बदमाश मनके परेड, होली तिहार बने ढंग ले मनाये के दिस निर्देश

अंजोर.कोरबा। होली तिहार के दिन शहर के शांति व्यवस्था ल भंग करइया लोगन मनके अब खैर नइये, काबर के पुलिस ह साफ-साफ कहि दे हावय के होली के रंग म भग डालने वाला ल कोनो भी कीमत म छोड़े नइ जाही ए संबंध म पुलिस ह शहर के सबो गुंडा अउ निगरानीशुदा बदमाश के कोतवाली थाना परिसर म परेड लीस अउ हिदायत दीस के बने ढ़ग ले होली के तिहार मनावे। सीएसपी कोरबा अउ थाना प्रभारी कोतवाली ह सबो ल ए बात के शपथ देवाइस के बिना कोनो शोर शराबा के सौहाद्रपूर्व माहौल म रंग के तिहार मनाना हाबे।