21 मार्च के किसान मन ल मिलही राजीव गांधी किसान न्याय योजना के चौथा किश्त

अंजोर.रायपुर। मुख्यमंत्री भूपेश बघेल ह 21 मार्च ले प्रदेश के 18 लाख 43 हजार किसान मन ल राजीव गांधी किसान न्याय योजना के चौथा किश्त के रूप म एक हजार 104 करोड़ 27 लाख रूपिया के राशि के भुगतान करही। ये योजना म अब तक किसान मन ल तीन किश्त म 4500 करोड़ रूपिया के भुगतान करे जा चुके हावय। इही करम ले प्रमाणित बीज उत्पादक 4777 किसान मन ल तीन किश्त म 23 करोड़ 62 लाख रूपिया अउ गन्ना उत्पादक 34 हजार 292 किसान मन ल अतिरिक्त प्रोत्साहन अउ आदान सहायता के रूप म 74 करोड़ 24 लाख रूपिया के भुगतान करे जा चुके हावय। ये रकम ले धान उत्पादक किसान मन के चौथी किश्त के राशि मिलाके, प्रमाणिक बीज उत्पादक किसान मन अउ गन्ना उत्पादक किसान मन ल 5702 करोड़ 13 लाख रूपिया के भुगतान करे जात हावय। ये राशि म ले अब तक किसान मन ल 4597 करोड़ 86 लाख रूपिया के भुगतान करे जा चुके हावय।

जानबा होवय के पूर्व प्रधानमंत्री राजीव गांधी के पुण्यतिथि 21 मई ले प्रदेश के प्रमुख फसल मनला उत्पादन अउ उत्पादकता म वृद्धि करे के उद्देश्य ले किसान मन ल कृषि आदान सहायता राशि प्रदाय करने के खातिर राजीव गांधी किसान न्याय योजना लागू के गे हावय। योजना अंतर्गत खरीफ मौसम म धान के साथ-साथ 13 अन्य फसल मक्का, सोयाबीन, मूंगफली, तिल, अरहर, मूंग, उड़द, कुल्थी, रामतिल, कोदो, कुटकी, रागी अउ रबी म गन्ना फसल ल शामिल करे गे हावय। योजना के आंशिक क्रियान्वयन खरीफ 2019 ले करे गे हावय।

राजीव गांधी किसान न्याय योजना के तहत खरीफ 2019 म धान फसल लगाइया कृषक ल सहकारी समिति के माध्यम ले उपार्जित रकबा के आधार म अधिकतम राशि 10 हजार रूपिया प्रति एकड़ के दर ले आदान सहायता राशि सीधे बैंक खाता म किश्त म भुगतान करे जात हावय। राजीव गांधी किसान न्याय योजना के तहत प्रदेश के 9.54 लाख सीमांत कृषक, 5.60 लाख लघु कृषक अउ 3.21 लाख दीर्घ कृषक सहित कुल 18.38 लाख किसान मन ल आदान सहायता राशि तीन किश्त म 4,500 करोड़ रूपिया अउ प्रमाणित बीज उत्पादक 4,777 कृषक ल तीन किश्त के 23.62 करोड़ रूपिया के भुगतान करे जा चुके हावय। अइसने तीन किश्त म कुल 18.43 लाख कृषक ल 4523.62 करोड़ के भुगतान करे जा चुके हावय। चौथी अउ अंतिम किश्त म 1104.27 करोड़ रूपिया के भुगतान 21 मार्च 2021 ल करे जाही। ये योजना म किसान मन ल प्रथम किश्त 21 मई 2020 ले 1500 करोड़ रूपिया, द्वितीय किश्त 20 अगस्त 2020 ल 1500 करोड़ रूपिया, तृतीय किश्त 1 नवम्बर 2020 ले 1500 करोड़ रूपिया, बीज उत्पादक कृषक ल 23.62 करोड़ रूपिया के भुगतान करे जा चुके हावय। राजीव गांधी किसान न्याय योजना के चतुर्थ किश्त के रूप म 21 मार्च 2021 ले किसान मन ल 1104.27 करोड़ रूपिया के भुगतान करे जाही। राजीव गांधी किसान न्याय योजना के चतुर्थ किश्त के राशि अउ प्रमाणित बीज उत्पादक किसान मन ल दी जाने वाली राशि मिलाकर किसान मन ल कुल 5 हजार 627 करोड़ 89 लाख रूपिया के भुगतान करे जाही।

गन्ना फसल उत्पादक किसान मन ल राजीव गांधी किसान न्याय योजना के तहत गन्ना फसल के लिए पेराई वर्ष 2019-20 म सहकारी कारखाना कोति ले खरीदे गन्ना के मात्रा के आधार म एफआरपी राशि 261 प्रति क्विंटल के अतिरिक्त प्रोत्साहन अउ आदान सहायता राशि कुल 93.75 रूपिया प्रति क्विंटल कुल 355 रूपिया प्रति क्विंटल के दर ले 34,292 कृषक मनला राशि 74 करोड़ 24 लाख रूपिया के भुगतान करे जा चुके हावय। ये राशि म ले भोरदमदेव शक्कर कारखाना कवर्धा के 12,077 किसान मन ल 23 करोड़ 53 लाख रूपिया, मॉ महामाया शक्कर कारखाना अंबिकापुर के 13,441 किसान मन ल 26 करोड़ रूपिया, मॉ दंतेश्वरी मैय्या शक्कर कारखाना बालोद के 1,314 किसान मन ल 5 करोड़ 38 लाख रूपिया, लौह पुरूष सरदार वल्लभ भाई पटेल शक्कर कारखाना पंडरिया के 7,460 किसान मन ल 19 करोड़ 33 लाख रूपिया के भुगतान करे गे हावय।