शिक्षा के अधिकार अधिनियम : निजी स्कूल म प्रवेश खातिर आवेदन 22 मार्च ले

अंजोर.रायपुर। स्कूल शिक्षा विभाग कोति ले शिक्षा के अधिकार अधिनियम के तहत निजी स्कूल म प्रवेश खातिर ऑनलाईन आवेदन करे के प्रक्रिया अब 22 मार्च ले सुरू होही। संचालक लोक शिक्षण संचालनालय कोति ले शिक्षा के अधिकार अधिनियम के तहत नवीन शिक्षा सत्र म निजी स्कूल म गरीब बच्चा मनला प्रवेश देवाये खातिर संशोधित समय सारणी के अनुसार कार्य करे के निर्देश सबो संयुक्त संचालक अउ जिला शिक्षा अधिकारी ल दिस। स्कूल शिक्षा विभाग कोति ले जारी नवा समय सारणी के अनुसार 22 मार्च ले 22 अप्रैल तक शिक्षा के अधिकार अधिनियम के तहत ऑनलाईन आवेदन करे जा सकही। नोडल अधिकारी 7 मई ले 20 मई तक पालक मन कोति ले गे दस्तावेज के जांच करही। संशोधित समय सारणी के अनुसार शिक्षा के अधिकार अधिनियम के अंतर्गत प्रथम चरण म लॉटरी अउ आबंटन के बुता 24 मई ले 28 मई तक होही। जेकर अंतर्गत विद्यार्थी ल प्रवेश के खातिर स्कूल आबंटित करे जाही। विद्यार्थी मनके स्कूल म दाखिला के प्रक्रिया 19 मई ले 15 जून तक करे जाही। जेकर बाद द्वितीय चरण म स्कूल म सीट आबंटन के बाद तको सीट रिक्त रेहे के स्थिति म फेर ले स्कूल म प्रवेश के खातिर ऑनलाईन आवेदन के बुता 17 जून ले 26 जून तक करे जाही। नोडल अधिकारी मन कोति ले 28 जून ले 3 जुलाई तक पालक मन कोति ले दे गे दस्तावेज के जांच करे जाही। फाईनल लॉटरी अउ आबंटन के बुता 5 जुलाई ले 9 जुलाई तक अउ स्कूल म प्रवेश 20 जुलाई ले करे जाही।