महिला सुरक्षा अउ कानून के आरो अब मेला-मड़ई म 'अभिव्यक्ति' कार्यक्रम ले

अंजोर.रायपुर। मुख्यमंत्री भूपेश बघेल के मंशानुरूप महिला मनके सुरक्षा अउ कानून म ओमन ला मिले अधिकार के बारे म जागरूक करे खातिर छत्तीसगढ़ पुलिस ह 'अभिव्यक्ति' जागरूकता सप्ताह सरी प्रदेश म 8 मार्च ले चलावथाबे। अभिव्यक्ति कार्यक्रम के शुरूआत ले पहिली ही संचालन प्रकिया के संबंध ले जिला मन म गठित टीम के पुलिस अधिकारियी ल पुलिस मुख्यालय म विशेष प्रशिक्षण दे गिस। अभियान म पुलिस टीम के उपयोग के खातिर महिला अउ बच्चा मनला कानून म मिले अधिकार सहित योजना के बारे म पुलिस मुख्यालय के छपाये प्रचार-प्रसार सामग्री अउ छेड़छाड़, घरेलू हिंसा, टोनही प्रथा, गुड टच बैड टच, कार्यस्थल म लैंगिक उत्पीड़न विषय म 6 लघु फिल्म के सॉफ्ट कॉपी जिल ल उपलब्ध कराये गिस। 

रोज अलग-अलग जगह म अउ विषय के आधार म जिला म गठित टीम कोति ले शहरी/ग्रामीण क्षेत्र, रेल्वे स्टेशन, बस स्टैण्ड, मॉल, स्कूल, कालेज, बाजार, मेला-मड़ई अउ आन भीड़भाड़ वाले क्षेत्र म जाके आकर्षक बैनर, पोस्टर, पाम्पलेट अउ लघु फिल्म के माध्यम ले साईबर सुरक्षा, लैंगिक उत्पीड़न, घरेलू हिंसा, छेड़खानी, मानव तस्करी, दहेज प्रथा, बाल विवाह, टोनही प्रथा, पीड़ित क्षतिपूर्ति योजना, आत्म रक्षा के गुर, कैरियर काउंसलिंग, शिक्षा सहित महिला मनके स्वास्थ्य अउ स्वच्छता संबंधी जागरूकता संदेश राज्य के कोना-कोना तक फैलाया गे हावय। अभियान म न केवल लोगन ल एकत्रित करके जागरूक करे गिस, बल्कि बाईक/स्कूटर रैली, महिला क्रिकेट स्पर्धा अउ आन खेलकूद, कविता, नृत्य, नाटक मंचन, निबंध, रंगोली प्रतियोगिता आदि के आयोजन करके जादा ले दादा लोगन ल जागरूक करे म सफलता पाये हावय