अंजोर.रायपुर। थाना विधानसभा क्षेत्रांतर्गत सड्डू के नाला म मिले शव के हत्या के खुलासा आज रायपुर पुलिस कोति ले करत जानकारी दे गिस। पुलिस के बताये मुताबिक हत्या म शामिल मृतक के बचपन के संगवारी सहित कुल 3 आरोपी के गिरफ्तारी होए हाबे। थाना देवेन्द्र नगर म मृतक कुबेर साहू के गुमशुदगी के रिपोर्ट दर्ज कराये गे रिहिस। जेमा थाना विधानसभा म मर्ग दर्ज करके विवेचना करे जात रिहिस। हत्या के पुष्टि होए म आरोपी मनके विरूद्ध थाना विधानसभा म अपराध क्रमांक 114/21 धारा 302, 201, 34 भादवि. के तहत् अपराध पंजीबद्ध करिन गे हावय। गिरफ्तार आरोपी मनके नाव अइसन हाबे- 01. किशन कुमार नायक उर्फ कान्हा पिता स्व. हरिपाल कुमार उम्र 23 साल निवासी त्रिमूर्ति नगर देवेन्द्र नगर रायपुर। 02. बबलू नायक पिता राजेश नायक उम्र 18 साल निवासी बी.एस.यू.पी. कालोनी खालबाड़ा सड्डू रायपुर। 03. अंकित ताण्डी पिता विष्णु ताण्डी उम्र 18 साल निवासी कलिंग नगर एफ सी आई गोदाम गुढियारी रायपुर।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।