अंजोर.रायगढ़। होली तिहार म कोविड गाइडलाइन के पालन करना सुनिश्चित करे जाये के उद्देश्य ले पुलिस अधीक्षक संतोष सिंह डहर ले सबो प्रभारी ल अपन-अपन क्षेत्रार्न्तगत म शांति समिति के बैठक आहूत करके कोविड के नवा गाइडलाइन ले शांति समिति के सदस्य ल अवगत कराके क्षेत्र म येकर पालन कराये ल निर्देशित करिन, जेकर पालन म सबो थाना क्षेत्र अंतर्गत पिछले दो दिन ले शांति समिति के बैठक ले गिस हावय जो आज अंतिम दौर म हावय। कली शाम ले जिला मुख्यालय अउ तहसील म अगला 48 घंटे तक होली के मद्देनजर सुरक्षा व्यवस्था सुरक्षा म पुलिस बल पेट्रोलिंग, फिक्स पाइंट, होलिका दहन स्थल म तैनात रइही।
जिला पुलिस होली तिहार म शांति व्यवस्था के खातिर पाछू तीन दिन ले सबो थानाक्षेत्र अन्तर्गत संदिग्ध मनके जांच अभियान चलये रिहिस हावय। जानबा होवय के होली के मद्देनजर पुलिस अधीक्षक संतोष सिंह के दिशा निर्देशन म गत दिन सार्वजनिक स्थान म शराब पीने वाला मनके अभियान चलाके कार्यवाही करे गिस। उंकर बाद पाछू तीन दिन म सबो थानाक्षेत्र अन्तर्गत निगरानी गुण्डा बदमाश ल थाना बुलाके होली तिहार के बखत अपराधिक गतिविधी ले दूर रेहे के सख्त हिदायत दे के क्रम चलिस। इही क्रम म प्रतिदिन सबो थानाक्षेत्र अन्तर्गत तीन सवारी वाहन के जांच, प्रेशर हॉर्न, तेज गति वाहन, बिना मास्क के घूमत लोगन के चालानी कार्यवाही करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।