केशकाल अंचल ल पर्यटन हब बनाके देवाबो नवा चिन्हारी : कलेक्टर पुष्पेंद्र कुमार मीणा

अंजोर
0


अंजोर.कोण्डागांव। जिला कलेक्टर पुष्पेंद्र कुमार मीणा जी अपन एक दिवसीय दौरा म केशकाल पहुंचे रिहिन। केशकाल वनमंडलाधिकारी कार्यालय म आयोजित बइठक म कलेक्टर ह केशकाल के कुएंमारी, मिरदे, बदेबेन्दरी, होनहेड, मुत्तेखड़का जइसे 10 प्राकृतिक झरना के संवर्धन के संबंध म चर्चा करिन। येकर अंतर्गत झरना के आस-पास जरूरी सुविधा जइसे बिजली, पानी, पार्किंग, सड़क, बइठे खातिर स्थल, सीढ़ी के संग सुरक्षा के दृष्टि ले रेलिंग अउ सुरक्षा उपकरण के व्यवस्था करे जाही। येकर संग ही झरना के ऊपर डैम जइसे संरचना के माध्यम ले जल संग्रहण करके इहां गर्मी के मौसम म भी सतत प्रवाह होए के खातिर जल उपलब्ध कराये जाही। ए डैम ले ना सिर्फ झरना ल लाभ होही बल्कित आस-पास के ग्रामीण ल पेयजल प्राप्त होही अउ बारहों महीना सिंचाई बर जल मिलही जेकर ले ग्रामीण के आय म वृद्धि होही। 

ए झरना के विकास के संग येमा संलग्न ग्राम म ग्राम पर्यटन समिति के निर्माण करे जाही जोन झरने के आस-पास आर्थिक गतिविधी के संचालन के संग पर्यटन स्थल म व्यवस्था निर्माण अउ रखरखाव के कार्य ल संपादित करही। येकर माध्यम ले ग्राम के ग्रामीण ल पर्यटन बढ़े ले ग्राम म ही रोजगार प्राप्त होही अउ आस-पास आर्थिक गतिविधिी भी बढ़ जाही। येकर अतिरिक्त कुछ चिन्हित स्थल म एडवेंचर स्पोर्ट्स के खातिर भी व्यवस्था करे जाही। जेमा जीप लाइन, पैराग्लिडिंग, ट्रैकिंग जइसे खेल ल शामिल करे जाही संग ही पारम्परिक खेल जइसे तीरंदाजी, गुलेल उक ल भी संस्कृति के झलक के रूप म पर्यटक ल उपलब्ध कराये जाही।

ये सम्बन्ध म कलेक्टर ह बताइन के वर्तमान म 20 झरना ल केशकाल क्षेत्र म खोजे जा चुके हावय जेमा ले 10 ल प्रथम चरण म पर्यटन क्षेत्र के रूप म विकसित करे जात रिहिन हावय, येकर अतिरिक्त टाटामारी, केशकाल घाटी म विशेष रूप ले ध्यान दे जाही। जेकर ले जिला ल पर्यटन के माध्यम ले रोजगार उपलब्ध करा के जिला ल देश के पर्यटन नक्शा म स्थापित करे जाए। ये बइठक म जनपद अध्यक्ष जमील रौशन खान, वनमंडलाधिकारी बीएस ठाकुर, ईई आरईएस अरुण शर्मा सहित वन विभाग के अधिकारी कर्मचारी, सरपंच, वन प्रबंधन समिति के सदस्य अउ ग्रामीण जनप्रतिनिधिगण उपस्थित रिहिन।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !