प्रधानमंत्री नरेन्द्र मोदी कोति ले आयोजित कोविड वैक्सीनेशन के समीक्षा बइठका म शामिल होइन गृहमंत्री साहू

अंजोर.रायपुर। प्रधानमंत्री नरेन्द्र मोदी कोति ले राष्ट्रीय स्तर म कोविड वैक्सीनेशन अउ कोरोना संक्रमण ल नियंत्रित करे बर राज्य मन कोति ले करे व्यवस्था के मुख्यमंत्री मनके संग समीक्षा बैठक म गृहमंत्री ताम्रध्वज साहू शामिल होइन। मुख्यमंत्री भूपेश बघेल के असम प्रवास म होए के सेती उंकर जगा म छत्तीसगढ़ के कोति ले गृहमंत्री साहू ह वीडियो कॉन्फ्रेंस ले आयोजित बैठक म हिस्सा लिस। प्रधानमंत्री मोदी ह बैठक म सबो राज्य म कोविड टीकाकरण के प्रगति के जानकारी लीस। ओमन कोरोना संक्रमण के फैलाव ल रोके बर राज्य कोति ले उठाये कदम के बारे म तको पूछिस अउ आवश्यक निर्देश दिस।

वीडियो कॉन्फ्रेंस म गृहमंत्री के संग मुख्य सचिव अमिताभ जैन, स्वास्थ्य विभाग के अपर मुख्य सचिव श्रीमती रेणु जी. पिल्लै, मुख्यमंत्री के अपर मुख्य सचिव सुब्रत साहू अउ सचिव सिद्धार्थ कोमल परदेशी तको शामिल होइन। नई दिल्ली म प्रधानमंत्री के संग केन्द्रीय गृहमंत्री अमित शाह अउ लोक स्वास्थ्य अउ परिवार कल्याण मंत्रालय के सचिव राजेश भूषण ह तको वीडियो कॉन्फ्रेंस म राज्य के व्यवस्था के जानकारी लीस।