अहिवारा म अनुसूचित जाति बालक छात्रावास के होइस भूमिपूजन

अंजोर.दुर्ग। छत्तीसगढ़ शासन कोति ले स्वीकृत प्री-मैट्रिक अनुसूचित जाति बालक छात्रावास अहिवारा के भवन निर्माण के भूमिपूजन गुरु रूद्र कुमार मंत्री छत्तीसगढ़ शासन लोक स्वास्थ्य यांत्रिकी अउ ग्रामोद्योग विभाग के कर कमल ले करे गिस। सहायक आयुक्त आदिवासी विकास श्रीमती प्रियम्वदा रामटेके ह भवन निर्माण के संबंध म जानकारी दीस। ओमन बातइन के येमा बच्चा मनके रेहे के कमरा, डायनिंग हॉल, किचन रूम, स्टोर रूम, स्नानागार, शौचालय, हॉल, अधीक्षक आवास गृह निर्माण आदि होही। येमा छात्रावास म 50 बच्चा मनके खातिर आवास के व्यवस्था हाबे। छात्रावास भवन निर्माण ले अहिवारा क्षेत्र के अनुसूचित जाति वर्ग के छात्र-छात्रा के शिक्षा प्राप्त करे म सुविधा होही। शिक्षा ले क्षेत्र के विकास होही अउ बच्चा आगू पढ़ने खातिर प्रोत्साहित होही। आयोजित भूमि पूजन म विभागीय तकनीकी के अधिकारी अउ कर्मचारीगण संग नगरवासी मन उपस्थित रिहिन।