अंजोर.नारायणपुर। विश्व प्रसिद्ध माता मावली मेला नारायणपुर म कलेक्टर धर्मेश कुमार साहू के निर्देशन म अउ मुख्य कार्यपालन अधिकारी जिला पंचायत राहुल देव अउ जिला शिक्षा अधिकारी जी आर मंडावी के मार्गदर्शन म शिक्षक अउ बच्चा मन विशाल विज्ञान मेला के आयोजन करिन हाबे। मेला म विज्ञान प्रदर्शनी आकर्षण के मुख्य केंद्र बने रिहिस हाबे। बिहनिया ले देर रात तक लोगन येकर लुत्फ उठान हाबे। विज्ञान मेला के शुभारंभ स्थानीय विधायक अउ हस्तशिल्प विकास बोर्ड अध्यक्ष चंदन कश्यप ह करिन। शुभारंभ अवसर म जनप्रतिनिधी अउ अधिकारी मन ह आत्मानंद शासकीय इंग्लिश मीडियम स्कूल के बच्चा मनके बनाये साउंड गन चलाके देखिन अउ खूब सराहना करिन। साउंड गन कबाड़ ले जुगाड़ करके बनाये अइसन गन हाबे, जेकर मदद ले किसान जानवर ले खेत के रक्षा कर सकत हाबे। विज्ञान प्रदर्शनी म शिक्षक अउ बच्चा मनके के अथक प्रयास अउ मेहनत के देखे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।