अंजोर.रायपुर। मुख्यमंत्री भूपेश बघेल के मंशानुरूप प्रदेश म लघु धान्य कोदो अउ रागी फसल ल प्रोत्साहित करे जात हाबे। ये फसल मनके खरीफ वर्ष 2021 म न्यूनतम समर्थन मूल्य म खरीदी के शासन ह निर्णय ले हाबे। कोदो अउ रागी के समर्थन मूल्य म खरीदी ले आदिवासी क्षेत्र के किसान के आर्थिक लाभ होवथाबे। छत्तीसगढ़ राज्य बीज प्रमाणीकरण संस्था के प्रबंध संचालक ह बताइन के एसो 2020-21 म राज्य के एक हजार 560 किसान कोति ले 1188.83 क्विंटल कोदो के बीज अउ कोदो 566 किसान कोति ले 2345.34 क्विंटल रागी बीज के उत्पादन करे गे हाबे। कोदो बीज 16 हजार 983 हेक्टेयर अउ रागी बीज 33 हजार 505 हेक्टेयर रकबा म बोनी के खातिर पर्याप्त हाबे।
2020-21 म 540 कृषक के इहां 263.80 हेक्टेयर म रागी फसल के बीज उत्पादन कार्यक्रम बनाये गे हाबे जेमा 2 हजार 110 क्विंटल बीज उत्पादन के संभावना हाबे जोन लगभग 30,149 हेक्टेयर बर पर्याप्त होही। ये प्रकार ले खरीफ वर्ष 2021 म कोदो 16 हजार 983 हेक्टेयर अउ रागी 63 हजार 654 हेक्टेयर क्षेत्र म ले जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।