अंजोर.रायपुर। छत्तीसगढ़ म मनरेगा (महात्मा गांधी राष्ट्रीय ग्रामीण रोजगार गारंटी अधिनियम) मजदूर ल 1 अप्रैल 2021 ले प्रतिदिन 193 रूपिया मजदूरी मिलही। भारत सरकार के ग्रामीण विकास मंत्रालय डहर ले मनरेगा के वित्तीय वर्ष 2021-22 के खातिर राज्यवार प्रतिदिन मजदूरी के दर के राजपत्र म प्रकाशन कर दे गे हाबे। मनरेगा के तहत काम करइया अकुशल हस्त कर्मकार बर छत्तीसगढ़ के खातिर 193 रूपिया प्रतिदिन के मजदूरी तय करे गे हाबे। ये नवा दर 1 अप्रैल 2021 ले लागू हो जही। केन्द्रीय ग्रामीण विकास मंत्रालय कोति ले चालू वित्तीय वर्ष 2020-21 के खातिर 190 रूपिया मजदूरी दर निर्धारित रिहिसे। अवइया वित्तीय वर्ष के खातिर येमा तीन रूपिया के बढ़ोतरी करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।