फिल्म ‘भूलन द मेज’ ल मिलिस राष्ट्रीय पुरुस्कार, छॉलीवुड ह मनोज वर्मा ल दिस बधाई

अंजोर.रायपुर। छत्तीसगढ़ी सिनेमा बर एक बड़का खबर आये के पहिली पइत कोनो छत्तीसगढ़ म बने फिलिम ल राष्ट्रीय स्तर म पुरूस्कार मिले हाबे। फिल्म के निर्माता कोति ले मिले आरो के मुताबिक मनोज वर्मा के फिलिम "भूलन द मेज़" ल राष्ट्रीय पुरुस्कार मिलिस हाबे। फिलिम ले जुरे कलाकार पुष्पेंलद्र सिंह ह सोशल मीडिया म जानकारी साझा करत ये बात के खुलासा करे हाबे। ये मउका म "भूलन द मेज़" के टीम ल छॉलीवुड के निर्माता निर्देशक सतीश जैन सहित कई कलाकार मन बधाई पठोय हाबे। 

आगू अऊ पढ़व फिलिम के बारे म-

67 वां राष्ट्रीय फिल्म पुरस्कार: मुख्यमंत्री दीस फिलिम ‘भूलन द मेज’ के टीम ल बधाई

मुख्यमंत्री भूपेश बघेल ह छत्तीसगढ़ी फिल्मकार मनोज वर्मा के बनाये छत्तीसगढ़ी फिल्म ‘भूलन द मेज’ ल क्षेत्रीय फिल्म केटेगरी म बेस्ट फिल्म के राष्ट्रीय फिल्म पुरस्कार मिले उंकर फिल्म निर्माण ले जुड़े पूरा टीम ल हार्दिक बधाई अउ शुभकामना दीस। ओमन लेखक संजीव बख्शी ल भी बधाई दीस हावय, जेकर उपन्यास ‘भूलन-कांदा’ म ये फिल्म आधारित हावय। बघेल ह किहिन के ये छत्तीसगढ़ के खातिर एक अउ गौरवपूर्ण उपलब्धि हावय। ये उपलब्धि ले छत्तीसगढ़ी साहित्य, कला अउ फिल्म निर्माण ले जुड़े प्रतिभा मनला राष्ट्रीय स्तर म नवा पहचान मिले हावय।