अंजोर.गरियाबंद। गरियाबंद के केसोडार रसता म दिनदहाड़े लुटपाट करइया तीन आरोपी ल गरियाबंद पुलिस गिरफ्तार करे म सफलता पाये हाबे। मिले आरो के मुताबिक प्रार्थी घनश्याम यादव पिता कंवर लाल यादव उम्र 24 साल निवासी नागाबुड़ा ल आरोपी बिल्ला उर्फ पिंटू साहनी अपन आन साथी नूतन जगत अउ गजेंद्र बघेल के संग मिलके लूटपाट करके प्रार्थी ले नगदी 3,900 अउ एक मोटरसाइकिल कीमत 25,000 ल तको लूट के लेगे, जेकर रिपोर्ट थाना सिटी कोतवाली गरियाबंद म अपराध क्रमांक 93/2021 धारा 394 भादवि दर्ज करे गिस। घटना म बिल्ला उर्फ पिंटू साहनी उम्र 22 साल निवासी आजाद चौक गरियाबंद, नूतन उर्फ नारायण जगत पिता स्व० राजकुमार जगत उम्र 25 साल निवासी शारदा चौक गरियाबंद, अउ गजेंद्र बघेल पिता प्रहलाद बघेल उम्र 28 साल निवासी डाकबंगला पारा गरियाबंद सामिल रिहिन।
अपराध कायमी के तुरंत बाद पुलिस हरकत म अइस जेकर बाद गरियाबंद जिला के पुलिस कप्तान भोजराम पटेल के दिशा-निर्देश, अतिरिक्त पुलिस अधीक्षक सुखनंदन राठौर के मार्गदर्शन अउ अतिरिक्त पुलिस अधीक्षक संतोष महतो के पर्यवेक्षण, निरीक्षक वेदवती दरियो के नेतृत्व म पुलिस टीम सक्रियता ले तीनों आरोपी ल हिरासत म ले के लुटे माल ल बरामद करके आरोपी मनला न्यायालय म पेश करके जेल भेजे गिस। ये कार्यवाही म निरीक्षक वेदवती दरियो, सउनि अजय सिंह, प्र.आर. डिगेश्वर साहू, मनीष वर्मा, आर. मुरारी यादव, आशिष सपहा रविशंकर सोनवनी के सराहनीय भूमिका रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।