कृषि वैज्ञानिक मनके मौसमी सलाह : किसान मन गहूँ, चना अभी दू दिन झिन लुवव

अंजोर.रायपुर। कृषि संचालनालय के कृषि वैज्ञानिक मन ह किसान मनला सलाह दे हावय के अवइया दिन म हल्का ले मध्यम बादल छाए रेहे अउ हल्का वर्षा होए के संभावना ल ध्यान म रखत हुए गहूँ अउ चना फसल के कटाई के बुता एक-दो दिन तक नइ करें। किसान ल सलाह दे गिस हावय के ग्रीष्म कालीन धान के फसल म तना छेदक कीट के प्रकोप ले फसल ल बचाये खातिर प्रारम्भिक नियंत्रण के खातिर प्रकाश प्रपंच या फिरोमेन ट्रेप के उपयोग करें।

रासायनिक कीट नियंत्रण फरटेरा (रायनेक्सीपार) दस किलोग्राम प्रति हेक्टेयर या करटाप बीस किलोग्राम प्रति हेक्टेयर के दर ले छिडकाव करें। अभी मक्का के फसल म तना छेदक के प्रकोप बढ़ सकत हावय। येकर सतत निगरानी करत रहव। किसान ल सलाह दे जात हावय के आने वाला दिन म हल्का ले मध्यम बादल छाए रेहे अउ हल्का वर्षा होए के संभावना ल ध्यान म रखत हुए फसल म थ्रिप्स कीट के उपस्थिति के जाँच करें। मैदानी भाग के जिला म अधिकांश स्थान म हल्का बौछार पड़े के संभावना ल देखत हुए पाके दलहनी अउ तिलहनी फसल मनके कटाई के बुता अभी झिन करय। 

अइसने सब्जी अउ फल के फसल के खातिर सलाह दे गे हावय के बेल वाला फसल के मचान ल ठीक करें, कुंदरू अउ परवल म उर्वरक देवें। बेर के किस्म के उन्नयन के खातिर मातृवृक्ष म कलिका के तैयारी करें। फरवरी म बुवाई के गई फसल जइसे भिन्डी, बरबटी, ग्वारफली उक म गुडाई करके सिंचाई करें। केला अउ पपीता के पौधा म सप्ताह म एक बार पानी अवश्य देवें अउ टपक सिंचाई म सिंचाई समय बढ़ावय।