छत्तीसगढ़ के प्रस्ताव ल ग्रामीण विकास मंत्रालय के हरा झंडी, मनरेगा लेबर बजट म दू करोड़ मानव दिवस के बढ़ोतरी

अंजोर.रायपुर। केन्द्रीय ग्रामीण विकास मंत्रालय ह छत्तीसगढ़ म मनरेगा (महात्मा गांधी राष्ट्रीय ग्रामीण रोजगार गारंटी अधिनियम) के लेबर बजट म दू करोड़ मानव दिवस के बढ़ोतरी के मंजूरी दे हावय। राज्य शासन के कोशिश ले चालू वित्तीय वर्ष म लेबर बजट के लक्ष्य दूसरा बार बढ़ाये गे हावय। वित्तीय वर्ष 2020-21 के शुरूआत म मनरेगा के तहत रोजगार सृजन के लक्ष्य साढ़े 13 करोड़ मानव दिवस निर्धारित रिहिस। मनरेगा के अंतर्गत होत व्यापक बुता अउ लक्ष्य के पूर्णता म तेजी ल देखत हुए राज्य शासन के प्रस्ताव म भारत सरकार ह पहिली येमा डेढ़ करोड़ मानव दिवस के वृद्धि करत हुए 15 करोड़ मानव दिवस के संशोधित लक्ष्य मंजूर करिन। मनरेगा म लगातार प्रदेश के उत्कृष्ट प्रदर्शन ल देखत हुए राज्य शासन के गेलौली म केन्द्रीय ग्रामीण विकास मंत्रालय ह येमा दू करोड़ मानव दिवस अउ बढ़ोतरी के मंजूरी दे हावय। अब चालू वित्तीय वर्ष के खातिर लेबर बजट के संशोधित लक्ष्य 17 करोड़ मानव दिवस हो गे हावय।

मुख्यमंत्री भूपेश बघेल ह कोरोना काल अउ मनरेगा म लक्ष्य पूर्णता म तेजी ल देखत हुए केंद्र सरकार ले लेबर बजट बढ़ाये के आग्रह करे रिहिस। पंचायत अउ ग्रामीण विकास मंत्री टी.एस. सिंहदेव ह बड़ संख्या म प्रदेश लहुंटे प्रवासी श्रमिक मनल रोजगार उपलब्ध कराये अउ ग्रामीण अर्थव्यवस्था के मजबूती के खातिर ये वर्ष के लेबर बजट बढ़ाये बर भारत सरकार ल प्रस्ताव भेजे के निर्देश वरिष्ठ विभागीय अधिकारी ल दे रिहिस। पंचायत अउ ग्रामीण विकास विभाग के सचिव प्रसन्ना आर. अउ मनरेगा आयुक्त मोहम्मद कैसर के केन्द्रीय ग्रामीण विकास मंत्रालय के अधिकारी मनके संग सशक्त समिति के हाल ही म होए बैठक म लेबर बजट बढ़ाये के राज्य शासन के प्रस्ताव ल मंजूरी दे गिस। 

प्रदेश म चालू वित्तीय वर्ष 2020-21 म अब तक मनरेगा के अंतर्गत कुल 17 करोड़ 20 लाख मानव दिवस रोजगार के सृजन करे जा चुके हावय। ये दौरान 30 लाख ले जादा परिवार के 59 लाख 31 हजार ले जादा श्रमिक मनला काम दिये गे हावय। उहें पांच लाख 20 हजार 194 परिवार ल 100 दिन ले अधिक के रोजगार मुहैया कराये गे हावय। कोरोना संक्रमण ल रोके बर लागू देशव्यापी लॉक-डाउन के दौरान ग्रामीण क्षेत्र म रोजगार के पर्याप्त मउका उपलब्ध कराये वर्तमान वित्तीय वर्ष के शुरूआती महीना म प्रदेशभर म व्यापक स्तर म मनरेगा कार्य शुरू करे गे रिहिसे। साल भर के खातिर निर्धारित लेबर बजट के तत्कालीन लक्ष्य साढ़े 13 करोड़ मानव दिवस के 66 प्रतिशत लक्ष्य शुरूआती तीन महीना म ही हासिल कर ले रिहिसे।