अंजोर.दुर्ग। महीला स्व-सहायता समूह के दीदी मन एसो के होली म हर्बल गुलाल ले लाले-लाल करे के तियारी म हाबे। देवारी सहिक होरी म तको ओमन जूरमिलके नवा उदीम करके हर्बल गुलाल बनाके बेंचत हाबे। पलाश, चुकंदर जइसे स्थानीय अहानिकारक सामग्री के उपयोग करत हर्बल गुलाल बनाये गे हाबे जोन ग्रामीण क्षेत्र के साथ ही शहर म तको मिलही। दुर्ग जिला पंचायत सीईओ के बताती ग्राम पंचायत मतवारी के गायत्री समूह मन ह हर्बल रंग उपलब्ध करात हाबे। टेसू के फूल के बने रंग के गजब मांग तको हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।