महिला अउ बाल विकास मंत्री श्रीमती भेंड़िया तको लगवाइन कोरोना टीका

अंजोर.रायपुर। वैश्विक महामारी कोविड-19 ल बचाव खातिर फंटलाइन कार्यकर्ता मनके बाद अब प्रदेश के आन मनखे मन बर तको वैक्सिनेशन सुविधा सुरू होगे हाबे। बुजुर्ग अउ गंभीर बीमारी वाले मनला तको निःशुल्क टीका लगवात हाबे। इही पांत म प्रदेश के महिला, बाल विकास अउ समाज कल्याण मंत्री श्रीमती अनिला भेंड़िया ह आज रायपुर के मेडिकल कॉलेज के वैक्सिनेशन सेंटर म कोरोना के टीका लगवाइन। मेडिकल कॉलेज म डॉ. सुनील अउ वैक्सीनेशन टीम कोति ले श्रीमती भेंड़िया ल कोविड-19 वैक्सीन कोविशील्ड के पहिली डोज लगाये गिस। वैक्सीन के बाद श्रीमती भेंड़िया के स्थिति बने रिहिस, कोनो परेशानी नइ होइस। तेकर पाछू डॉक्टर मन उनला निगरानी के बाद घर जाये ल दिन। वैक्सीनेशन टीम के डॉ. नरेश साहू ह श्रीमती भेंड़िया ल टीका के परमान पति देवत बताइन के वैक्सीन के दूसइया डोज 28 दिनों फेर लगही। 

ये मउका म श्रीमती भेंड़िया ह किहिन के बुजुर्ग अउ गंभीर बीमारी वाले लोगन जेकर इम्युनिटी कमजोर हाबे, ओ मन म कोरोना संक्रमण के खतरा जादा देखे गे हाबे। इही ल देखत हुए शासन कोति ले फ्रंटलाइन वर्कर्स, 60 वर्ष ले अधिक के नागरिक अउ 45 वर्ष ले 59 वर्ष तक के को-मोरबिडिटी वाला मनला प्राथमिकता क्रम म निःशुल्क टीका लगत हाबे। लोगन मन बिना डर के कोरोना के टीका लगवाव। श्रीमती भेंड़िया ह बातइन के टीका लगाये के बाद ओ मनला कोनो पेरशानी नइ होइस। देश भर म एक बार फेर कोरोना संक्रमित के आंकड़ा बढ़े लगे हाबे, ये बात ल ध्यान म रखत लोगन लापरवाही झिन बरतें। कोविड-19 संक्रमण के दिशा-निर्देश के कड़ाई ले पालन करें, मास्क अनिवार्य रूप ले लगावय, हाथ धोते रहय, भीड़-भाड़ वाले जगह म फिजिकल डिस्टेंसिंग के पालन करें।