अंजोर.रायपुर। बस्तर संभाग के सबो सात जिला के गौठान समिति के सदस्य के मध्य क्षेत्र म गोधन न्याय योजना के तहत संचालित गौठान के भ्रमण कराये के खातिर 15 ले 19 मार्च तक कार्यक्रम तैयार करे गे हाबे। गौठान समिति के सदस्य के कृषि गतिविधी म नवाचार अपनाये, गोधन न्याय योजना के बेहतर ढंग ले समझे अउ उन्नत कृषि के अपनाये के खातिर प्रेरित करे जाना हाबे। राज्य सरकार के महत्वाकांक्षी सुराजी गांव योजना नरवा, गरूवा, घुरवा, बाड़ी के संरक्षण अउ संवर्धन करे जात हाबे। ये योजना के तहत गौठान म गोधन न्याय योजना के अंतर्गत गौठान समिति के माध्यम ले गोबर क्रय करके गोबर ले वर्मी कम्पोस्ट अउ आन उत्पाद तइयार करे जात हाबे। ये योजना ले जैविक खेती के बढ़ावा, ग्रामीण अउ शहरी स्तर म रोजगार के नवा मउका गौपालन अउ गौ सुरक्षा के प्रोत्साहन के संग ही पशुपालक, महिला स्व-सहायता समूह ल स्वावलंबी बनाये जात हाबे। बस्तर क्षेत्र म पशु के खुला रखे के परंपरा हाबे, फलस्वरूप बस्तर क्षेत्र के ग्रामीण कोति ले गौठान निर्माण अउ गौठान संचालित नइ करे जाथे। गौठान ले प्राप्त होवइया लाभ बस्तर क्षेत्र के ग्रामीण तक पहुंचाये के खातिर गौठान भ्रमण कार्यक्रम तैयार करे गे हाबे, ताकि बस्तर क्षेत्र के गौठान समिति के सदस्य के मध्य क्षेत्र म गोधन न्याय योजना के तहत संचालित गौठान के सफलतापूर्वक निर्वहन करे जात बुता के अवलोकन अउ भ्रमण ले प्रेरित होके उंकर तकनीक ल अपना सकें।
गौठान भ्रमण कार्यक्रम के तहत गौठान समिति के 25-25 सदस्य के अलग-अलग तिथिय म भ्रमण कराये के प्रस्ताव तइयार करे गे हाबे। येकर तहत कांकेर जिला के सदस्य 15 मार्च के महासमुन्द अउ 16 मार्च के रायपुर जिला के भ्रमण करही। जगदलपुर जिला के सदस्य 17 मार्च के, कांकेर अउ धमतरी अउ 18 मार्च रायपुर जिला के भ्रमण कही। कोण्डागांव जिला के सदस्य 16 मार्च के धमतरी अउ 17 मार्च के दुर्ग जिला के भ्रमण करही। दंतेवाड़ जिला के सदस्य 17 मार्च के रायपुर अउ 18 मार्च के दुर्ग जिला के भ्रमण करही। बीजापुर जिला के सदस्य 17 मार्च के कांकेर अउ 18 मार्च के रायपुर जिला के भ्रमण करही। सुकमा जिला के सदस्य 15 मार्च के कांकेर अउ 16 मार्च के दुर्ग जिला के भ्रमण करही। नारायणपुर जिला के सदस्य 18 मार्च के दुर्ग अउ 19 मार्च के रायपुर जिला के भ्रमण करही। भ्रमण करइया सदस्य मनके के रात्रि विश्राम, भोजन अउ उंकर मार्गदर्शन के खातिर सबो जिला म भ्रमण प्रभारी नियुक्त करे गे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।