लक्षित समूह टीकाकरण म तेजी लाने के निर्देश, पहला डोज ले चुके लाभार्थी ल दूसरा डोज जरूरी : मुख्य सचिव अमिताभ जैन

अंजोर.रायपुर। मुख्य सचिव अमिताभ जैन के अध्यक्षता म मंत्रालय महानदी भवन म कोविड-19 टीकाकरण के खातिर गठित राज्य स्तरीय समिति के बैठक के आयोजन करे गिस। बैठक म कोविड-19 टीकाकरण के खातिर चिन्हित लाभार्थी समूह तक पहुंच बनाने अउ उनका टीकाकरण करे संबंध म चर्चा होइस। मुख्य सचिव ह किहिन हाबे के टीकाकरण के पहला डोज ले चुके लोगन के दूसरा डोज अनिवार्य रूप ले लेना हाबे तभे टीकाकारण के फायदा हो सकही। टीकाकारण के बाद भी सुरक्षा उपाय मनके पालन करना जरूरी हाबे। येकर खातिर लक्षित समूह स्वास्थ्य कार्यकर्ता, फ्रंट लाईन वर्कर्स, 60 वर्ष ले अधिक आयु के लोगन अउ 45 वर्ष ले 59 वर्ष आयु के गंभीर बीमारी ले पीड़ित व्यक्ति ल कोविड-19 के टीकाकरण के खातिर प्रेरित करे जाना हाबे। 

मुख्य सचिव अमिताभ जैन ह ग्रामीण क्षेत्र म ग्रामीण मनके सुविधा अनुसार नजदीक के जगह म टीकाकरण केन्द्र बनाये अउ बेहतर तरीका ले टीकाकरण के प्रक्रिया पूरा करे के निर्देश दे हाबे। टीकाकरण के कार्य म कुछ जिला के धीमा गति ल देख हुए जैन ह अप्रसन्नता व्यक्त करे हाबे अउ गौरेला-पेण्ड्रा-मरवाही, नारायणपुर, कोरबा, बिलासपुर, सुकमा, कोरिया, कांकेर जिला के टीकाकरण के कार्य म तेजी लाने के निर्देश दे हाबे।