अंजोर.रायपुर। महिला अउ बाल विकास मंत्री श्रीमती अनिला भेड़िया ह राजधानी रायपुर ले प्रकाशित मासिक पत्रिका राम-रचना के “छत्तीसगढ़ के माटी पुत्री” ल समर्पित मार्च माह के अंक के विमोचन करिन। श्रीमती अनिला भेड़िया ल महिला मनके विशेष अंक म राम-रचना के संपादक श्रीमती प्रीति उपाध्याय ल बधाई देत किहिन के आगू तको छत्तीसगढ़ के मेहनतकश अउ प्रतिभाशाली महिला मनला अपन पत्रिका म स्थान देते रहइहों, जेकर ले ओमन मेहनत अउ स्वयंसिद्धा महिला के उल्लेखनीय कार्य के जानकारी छत्तीसगढ़ के प्रत्येक गाँव, कस्बा, शहर के लोगन तक पहुंच सके अउ उंकर ले प्रेरणा ले करके समाज के आन महिला मन तको जीवन म सफलता के नवा मापदंड स्थापित कर पाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।