गरियाबंद पुलिस के बड़का कार्यवाही 7 लाख के अवैध गुटका जप्त

अंजोर.गरियाबंद। मुखबिर ले थाना छुरा पुलिस ल सूचना मिलिस के छुरा नगर जनपद कार्यालय के तिर प्राथमिक लघु वनोपज मर्यादित आमझर के कार्यालय के एक कमरा म बड़ मात्रा म शासन डहर ले प्रतिबंधित जर्दा पान मसाला ल अवैध रूप ले संग्रहित करके रखे गे हावय। आरो पाके जिला गरियाबंद के पुलिस अधीक्षक भोजराम पटेल के दिशा निर्देश, अतिरिक्त पुलिस अधीक्षक सुखनंदन राठौर अउ संतोष महतो के मार्गदर्शन म थाना प्रभारी निरीक्षक संतोष भुआर्य के नेतृत्व म पुलिस टीम अउ जिला गरियाबंद के खाद्य विभाग के टीम डहर ले आज मुखबिर के बताये अनुसार छुरा नगर जनपद कार्यालय के समीप प्राथमिक लघु वनोपज मर्यादित कार्यालय म छापामार कार्यवाही करिस। जिहा एक कमरा म कार्यालय के शासकीय सामान रखे रिहिस अउ दूसर कमरा म बोरी म भरके बड़ मात्रा म रखे शासन डहर ले प्रतिबंधित जर्दा युक्त पानमसाला 43 बोरी सितार , 02 बोरी पानराज अउ बिना लायसेंस के रखे 39 बोरी सादा विमल ल अवैध रूप ले रखे मिलीस। 

जेकर बाजार म कीमत 7,00,000 (सात लाख) रूपिया हावय, जेला खाद्य विभाग अउ पुलिस विभाग के संयुक्त टीम डहर ले गवाह के कब्जा ले जप्त करके कार्यवाही के बखत पूछताछ पतासाजी म कुल 84 बोरी पानमसाला योगेश कुमार सोनी निवासी भरूवामुड़ा के होना पाया गिस। जेकर विरुद्ध विधिवत् कार्यवाही करके माननीय न्यायालय म प्रकरण प्रस्तुत करिन हावय अउ वन विभाग के प्राथमिक लघु वनोपज मर्यादित आमझर कार्यालय के प्रबंधक के संबंध म पृथक ले वन विभाग छुरा अउ वरिष्ठ कार्यालय म जानकारी प्रेषित करे गे हावय। मिले आरो के मुताबिक ये कार्यवाही म खाद्य विभाग गरियाबंद अउ पुलिस विभाग ले थाना छुरा प्रभारी निरीक्षक संतोष भुआर्य, प्र.आर. राघवेन्द्र तोमर, आरक्षक माधव साह, नरेन्द्र साह, मोहित चुरेन्द्र, राजेन्द्र गायकवाड़ साहू, देकेश्वर सोनी, ललित नेताम चूड़ामणी देवता, दीप्तनाथ प्रधान, रवि सिन्हा के सराहनीय भुमिका रिहिस।