अंजोर.रायपुर। प्रदेश के मुखिया श्री बघेल ह आज कल असम के चुनावी सभा के सगे संग राज के काम काज ल तको बने जिकर करके देखते हाबे। सरलग ओकन गांव गांव जाके जनता के आरो लेते रिथे। इही बीच आरो मिले हाबे के श्री बघेल ह 20 मार्च के राजनांदगांव जिला के ग्राम जोगी दल्ली म आयोजित वीरांगना अंवती बाई लोधी बलिदान दिवस समारोह अउ बिलासपुर म आयोजित कार्यक्रम के गिरौदपुरी मेला म तको सामिल होही।
निर्धारित कार्यक्रम के अनुसार बघेल रायपुर ले दोपहर 12 बजे हेलीकॉप्टर ले रवाना होके 12.25 बजे राजनांदगांव जिला के ग्राम जोगी दल्ली पहुंचही अउ उहां आयोजित वीरांगना अवंती बाई लोधी बलिदान दिवस समारोह म शामिल होंही। उहां ले बलौदाबाजार-भाटापारा जिला के ग्राम गिरौदपुरी म छत्तीसगढ़ के सबले बड़े महान संत बाबा गुरू घासीदास के जन्मभूमि अउ तपोभूमि गिरौदपुरी धाम म तीन दिनी गुरूदर्शन मेला चलत हाबे तेमा सामिल होही। उंहा ले बिलासपुर म आयोजित न्यायधानी गौरव सम्मान कार्यक्रम म हिस्सा लेंही तहन कार्यक्रम के बाद मुख्यमंत्री शाम 6.30 बजे बिलासपुर ले मुख्यमंत्री निवास के बर रवाना होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।