अंजोर.दुर्ग। जिला म कोविड के बढ़त प्रकोप ल देखत जिला प्रशासन ह प्रतिबंधात्मक आदेश जारी करे हावय। ये प्रतिबंधात्मक आदेश के अनुपालन म नजर रखे के खातिर आज नगर निगम अउ पुलिस प्रशासन के टीम ह संयुक्त रूप ले सबो महत्वपूर्ण सार्वजनिक स्थल अउ बाजार के निरीक्षण सतत रूप ले करे हावय। कलेक्टर डॉ. सर्वेश्वर नरेंद्र भुरे ह ए बात के सख्त निर्देश दे हावय के कोविड प्रोटोकोल ले संबंधित जो प्रतिबंधात्मक आदेश जिला प्रशासन ह जारी करे हावय ओकर उल्लंघन करे म सख्त कार्रवाई करें। जिहां एफआईआर दर्ज करे जाना हावय उहां म एफआईआर दर्ज करे जाए। कलेक्टर ह किहिन के कोविड के बढ़त संक्रमण ल देखत बेहद जरूरी हावय के सबो लोगन मन कोविड ले संबंधित प्रोटोकॉल के पालन करय समूह म नइ घूमे अउ मास्क पहने, सैनिटाइजर के उपयोग करें। बाजार म सोशल डिस्टेंसिंग के पालन करें।
कलेक्टर के निर्देश म आज सबो नगरीय निकाय म टीम ह कोविड प्रोटोकोल के सख्त मॉनिटरिंग करिन। आज भिलाई नगर म आयुक्त अउ पुलिस के टीम ह आकाशगंगा, सब्जी मंडी, वैशाली नगर, गोल मार्केट, सन्डे मार्केट अउ सुपेला म गश्त करिन। इहां कोविड प्रोटोकॉल के उल्लंघन म जुर्माना वसूल करे गिस, लोगन ल समझाइश दे गिस। येकर संग ही दुर्ग शहर के इंदिरा बाजार अउ महत्वपूर्ण स्थल म एसडीएम, नगर निगम कमिश्नर अउ पुलिस अधिकारी ह संयुक्त रूप ले गश्त करिन। लोगन ल समझाइश दीस जेन कोविड प्रोटोकॉल के पालन नइ करत रिहिन, उन ले जुर्माना वसूले गिस। येकर संग ही सबो महत्वपूर्ण बाजार म कोविड ले संबंधित दिशा-निर्देश वाले पोस्टर लगाए गे हावय जेमा लोगन ले अपील करे गे हावय के कोविड संक्रमण के स्थिति ल देखत सुरक्षित तरीका ले होली मनाए, भीड़ म नइ जाए ताकि घर परिवार ल पूरा तौर म सुरक्षित रखे जा सके।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।