अपन अउ परिवार के सुरक्षा के खातिर होली तिहार घरे म मनावे : कलेक्टर टोपेश्वर वर्मा

अंजोर.राजनांदगांव। कलेक्टर टोपेश्वर वर्मा ह सबो नागरिक मनला होली तिहार के हार्दिक बधाई अउ शुभकामना दीस हावय। ओमन नागरिक मनले अपील करत किहिन हावय के कोविड-19 संक्रमण के ए कठिन समय म अपन अउ परिवार के सुरक्षा अउ रिश्ता ल सही मायने म निभाये के वक्त हावय। ए दरी होली तिहार घर म ही मनावे। स्वयं के अउ अपन परिजन के स्वास्थ्य के ध्यान रखें अउ कोविड-19 ले सुरक्षा के खातिर होली म जिम्मेदार नागरिक होए के फर्ज निभावे। जब तक आवश्यक कार्य न हो, घर ले बाहर नइ निकलें। कोनो आवश्यक कार्य ले घर ले बाहर जाना हो तो मास्क जरूर लगाये, सेनेटाइजर के प्रयोग करें, हाथ ल साबुन ले बार-बार धोते रहय अउ सोशल डिस्टेन्सिंग के पालन करें। कोरोना संक्रमण ले बचाव के खातिर सावधानी ही सुरक्षा हावय।