रायगढ़ पुलिस मुख्यालय संग सबो थानाक्षेत्र म फ्लैग मार्च, नियम के अनदेखी म होही कार्यवाही

अंजोर.रायगढ़। बढ़त कोरोना संक्रमण ल लेके जारी एडवाइजरी के पालन कराये के संग जिला म शांतिपूर्ण तिहार सम्पन्न कराना जिला पुलिस के बर दोहरी चुनौती हावय, जेकर सबो रकम के तइयारी जिला पुलिस करे हावय। आज सबो थानाक्षेत्र अन्तर्गत जिला पुलिस डहर ले रहवासी मनला सुरक्षा के संदेश देत फ्लैग मार्च निकाला गिस।जिला मुख्यालय म एडिशनल एसपी अभिषेक वर्मा के नेतृत्व म पुलिस कन्ट्रोल रूम ले बाइक अउ फोर व्हीलर म जवान डहर ले शहरवासी ल सुरक्षा के भरोसा देवात शांतिपूर्वक होली मनाये के संदेश के संग फ्लैग मार्च निकाले गिस जो चक्रधरनगर - कोतवाली- जुटमिल अउ कोतरारोड़ क्षेत्र म भ्रमण करत रहवासी ल कोविड नियम के पालन करत संग शांतिपूर्ण तरीके ले होली मनाये के अपील करे गिस। येकर पहिली कन्ट्रोल रूम म होलिका दहन अउ रंग गुलाल के दिन ड्यूटी म लगे अधिकारी अउ जवान ल एडिशनल एसपी बीफ्र करिन।

एडिशनल एसपी डहर ले उपस्थित शहर के थाना, चौकी प्रभारी ल आज अउ कल कोविड गाइडलाइन के पालन न करके तेज आवाज म डीजे बजाने वाला के साउंड सिस्टम के जप्ती के संग एफआईआर दर्ज की कार्यवाही करही अउ बाइकर्स के टोली म आज अउ कल कड़ी कार्यवाही करे निर्देशित दे गे हावय। फ्लैग मार्च म मुख्यालय म उपस्थित सबो राजपत्रित अधिकारी, थाना, चौकी प्रभारी अउ उंकर स्टाफ, रक्षित केन्द्र के बल के संग सशस्त्र बल अउ नगर सेना के जवान सामिल रिहिस। जिला मुख्यालय के संग ही सबो अनुविभाग म एसडीओपी अउ थाना प्रभारी डहर ले प्रशासनिक अधिकारी के संग थानाक्षेत्र म फ्लैग मार्च निकाला गिस। ए बखत लाउडस्पीकर म कोविड नियम के पालन करे के अपील के संग बिना मास्क घूमत लोगन म कार्रवाई तको करे गिस हावय।