डीपाडीह कला के प्राथमिक स्वास्थ्य केन्द्र के नवा भवन के होइस लोकार्पण, चिन्तामणी महाराज ह कोरोना टीका लगाये करिन अपील

अंजोर.बलरामपुर। संसदीय सचिव अउ सामरी विधायक चिन्तामणी महाराज ह विकासखण्ड शंकरगढ़ के डीपाडीह कला स्थित प्राथमिक स्वास्थ्य केन्द्र के नवा भवन के लोकार्पण करिन। ओमन लोकार्पण के बाद कोविड-19 के वैक्सीन लगाये के लोगन ले अपील करत अउ एला सुरक्षित बताइन। शासन के मंशानुरूप स्वास्थ्य सुविधा के विस्तार अउ बेहतर ईलाज के खातिर जरूरी अधोसंरचना के निर्माण के दिशा म प्रशासन सक्रियता ले बुता करत हावय। इही क्रम म डीपाडीह कला के प्राथमिक स्वास्थ्य केन्द्र के नवा भवन के निर्माण करके ओला आम नागरिक मनके ईलाज के खातिर खोल दे गे हावय। संसदीय सचिव चिन्तामणी महाराज ह लोकार्पण के बाद स्वास्थ्य केन्द्र परिसर के अवलोकन करके आमजन के गुणत्तापूर्ण स्वास्थ्य सुविधा मुहैया कराये के निर्देश स्वास्थ्य विभाग के अधिकारी मनला दे हावय। 

ओमन नवनिर्मित भवन के चिकित्सक कक्ष, प्रसव कक्ष, औषधि भण्डारण कक्ष अउ दवाई के उपलब्धता के बारे म जानकारी लीस। विधायक चिन्तामणी महाराज ह किहिन के नवा भवन बने ले प्राथमिक स्वास्थ्य केन्द्र म पहिली के तुलना म बेहतर स्वास्थ्य सुविधा अउ आसपास के गांव के मरीज के समुचित ईलाज मिल पाही। ओमन निर्माण बुता के बर संतुष्टि व्यक्त करत किहिन के आमजन के गुणवत्तापूर्ण स्वास्थ्य सुविधा मिले, येकर खातिर शासन ह केऊ योजना संचालित करे हावय अउ येकर बेहतर क्रियान्वयन शासन के सर्वोंच्च प्राथमिकता हावय। प्राथमिक स्वास्थ्य केन्द्र अउ उप स्वास्थ्य केन्द्र के माध्यम ले दूर-दराज के इलाक तक स्वास्थ्य सेवा के पहुंच ले शासन के मंशा ल साकार करे म महत्वपूर्ण सफलता मिले हावय। 

ओमन प्राथमिक स्वास्थ्य केन्द्र म पदस्थ चिकित्सक अउ स्वास्थ्य कर्मी ले चर्चा करके 24 घण्टा स्वास्थ्य सुविधा प्रदान करे के खातिर तत्पर रेहे अउ पर्याप्त व्यवस्था सुनिश्चित करे ल किहिन। ये मउका म जनपद सदस्य श्रीमती उर्मिला पैंकरा, अनुविभागीय अधिकारी राजस्व आर.एस.लाल, तहसीलदार उमा सिंह, डीपाडीह कला सरपंच हीरालाल पैंकरा, सरपंच भगत पैंकरा, खण्ड चिकित्सा अधिकारी, स्वास्थ्य विभाग के अधिकारी-कर्मचारी सहित आम नागरिक जुरियाए रिहिस।