इसरो के वैज्ञानिक चयन परीक्षा म सृष्टि बाफना प्रथम, गृह मंत्री साहू ह दीस बधाई

अंजोर.रायपुर। गृह मंत्री श्री ताम्रध्वज साहू ह भारतीय अंतरिक्ष अनुसंधान संस्थान (इसरो) डहर ले आयोजित वैज्ञानिक चयन परीक्षा म सृष्टि बाफना के प्रथम स्थान मिले म बधाई अउ शुभकामनाएं दे हावय। मंत्री श्री साहू ह ट्वीट करके किहिन हावय के दुर्ग के बिटिया ह पूरा प्रदेश के गौरवान्वित करे  हावय। देश के सबसे बड़े संस्थान इसरो म स्थान प्राप्त करके छत्तीसगढ़ के मान बढ़ाये हावय। ए सफलता के खातिर सृष्टि, उंकर माता-पिता अउ गुरूजन ल मेरी हार्दिक शुभकामना। सृष्टि बाफना बालोद जिला के कुसुमकसा गांव के निवासी हावय। ओमन दुर्ग के महावीर विद्यालय म 10वीं अउ 12वीं के शिक्षा ग्रहण करे के बाद बीआईटी दुर्ग ले सिविल इंजीनियरिंग के पढ़ाई करे हावय अउ आईआईटी दिल्ली म एमटेक करे  हावय।