थाना रनचिरई क्षेत्र ले गवाये नोनी मनला इंदौर अउ अहमदाबाद ने लानिस बालोद पुलिस

अंजोर.बालोद। जिला बालोद के थाना रनचिरई क्षेत्र ले 3 गुमशुदा लड़की मनला बालोद पुलिस ह इंदौर (म0प्र0) अउ अहमदाबाद (गुजरात) ले लाने हाबे। मिले आरो के मुताबिक फोन अउ फेसबुक के माध्यम ले संम्पर्क करके प्रेम प्रसंग अउ शादी के झांसा देके आरोपी ह गुमशुदा लड़की ल अपन मित्र के पास भेज दे रिहिसे। ओकर बाद ओकर सहेली ल नौकरी लगाये के झांसा देकर अपन पास बुला ले रिहिस। 

थाना अउ सायबर सेल बालोद के संयुक्त टीम ह मध्यदप्रदेश अउ गुजरात जाके प्रकरण के आरोपी ओकर माता-पिता, मित्र अउ सहयोगी संग कुल 07 आरोपी ल गिरफ्तार करके बालोद लाने हाबे। मामला अइसन हाबे के थाना रनचिरई के गुम इंसान क्रमांक 24/2020, 08/2021, 09/2021 के प्रकरण म तीन लड़की के गुमशुदगी के रिपोर्ट म गुमशुदा अउ संदेही के संबध म तकनीकी जानकारी मिले के बाद पता लगाये खातिर टीम इंदौर म0प्र0 रवाना करे गे रिहिस। 03 गुमशुदा लड़की मनला इंदौर अउ अहमदाबाद ले दस्तयाब करके जिला बालोद छ.ग. लाये गिस। लड़की मन बताइन के फोन अउ फेसबुक के माध्यम ले आरोपी निहाल सिंह के सम्पर्क आइन। आरोपी ह गलती ले अंजान नम्बर म मिस काल के बाद अक्सर फोन लगाके बात करय।

आरोपी निहाल सिंह ह एक दिन तोर ले प्यार करथवं, शादी करूहू कहिके अपन बीमारी के ईलाज बर 41000 रूपिया 04 खाता म जमा करवाइस अउ साथ 40000 रूपये लाने बर कहिके नागपुर बुलाके आरोपी निहाल सिंह उम्र 20 वर्ष ओला इंदौर लेगे। जिहा ओकर संग शारीरिक संबध बनाइस, ओकर पिता तको शारीरिक संबध बनाइस। बाद म ओकर सहेली मनला तको नौकरी देवाय के नाम बलालिस। जेमा जबर कार्यवाही करत बालोद पुलिस आरोपी मनके के विरूद्व थाना रनचिरई म अपराध क्रमांक-42/2021 धारा 360, 368, 368, 370(2), 376(2) (द)ए420, 323, 506, 34 भादवि कायम कर विवेचना म लिस। 

मामला ल गभींरता ले लेवत वरिष्ठ पुलिस अधीक्षक जितेन्द्र सिंह मीणा के मार्गदर्शन,  अतिरिक्त पुलिस अधीक्षक डी.आर पोर्ते अउ उप पुलिस अधीक्षक दिनेश कुमार सिन्हा के पर्वेक्षण म थाना महामाया प्रभारी डिलेश्वर चंद्रवंषी के नेतृत्व म थाना रनचिरई अउ सायबर सेल के विशेष टीम गठित करके आरोपी मनके पतासाजी खातिर दिगर राज्य गुजरात भेजे गिस। टीम ह अहमदाबाद गुजरात अउ शिवपुरी,  इंदौर म0प्र0 ले प्रकरण के 07 आरोपी ल गिरफ्तार करके जिला बालोद लानिस जेमा आरोपी निहाल सिंह पिता -निलेश सिंह राजपूत उम्र 20 वर्ष शिवपुरी,  निलेश सिंह राजपूत पिता स्व. मंजीत सिंह राजपूत उम्र 56 वर्ष, शिवपुरी (म.प्र.), अजय जाटव पिता श्रीलाल जाटव उम्र 23 वर्ष, शिवपुरी (म.प्र.), अभिषेक जाटव पिता विनोद जाटव उम्र 20 वर्ष, शिवपुरी (म.प्र.), श्रीमती गीता राजपूत पति निलेश राजपूत उम्र 45 वर्ष, शिवपुरी (म.प्र), मुकेश पाल पिता कांशीराम पाल उम्र 22 वर्ष, शिवपुरी (म.प्र.), जितेन्द्र सोलंकी पिता बंद्री लाल सोलंकी उम्र 20 वर्ष, इंदौर (म.प्र.) ल गिरफ्तार करके न्यायिक रिमांड म माननीय न्यायालय पेश करे गिस। 

उक्त प्रकरण म आरोपी मनके गिरफ्तारी म थाना प्रभारी रनचिरई चेतन साहू, थाना प्रभारी महामाया निरीक्षक डिलेश्वरर चंद्रवंशी, थाना प्रभारी अजाक/महिला सेल निरीक्षक श्रीमति पद्मा जगत, सउनि कमलेश साहू, सउनि अजित महोबिया, सायबर सेल से प्रधान आर. भुनेश्विर मरकाम, प्रधान आर. रूमलाल चुरेन्द्र, आर. विपिन गुप्ता, आर. राहुल मनहरे, आरक्षक पुरन प्रसाद देवांगन, मिथलेश यादव, योगेश पटेल, महिला आर. सरस्वती चैरे, महिला आर. अनिता साहू के महत्वपूर्ण भूमिका रिहिस।