होली ल बने ढंग ले मनाये खातिर शांति समिति के थानादार मन लिस बइठका

अंजोर.बिलासपुर। जिला बिलासपुर के केऊ थान म शांति समिति के बैठक आयोजित करे गिस, जेमा वार्ड पार्षद, क्षेत्र के सम्माननीय व्यक्ति मनके उपस्थिति म थाना प्रभारी कोति ले अवइया होली अउ शबे बारात, मसीही समाज के पाम संडे तिहार ल शांतिपूर्वक ढंग ले मनाये खातिर गोठबात होइस। शांति समिति के सदस्य मन अवइया सबो तिहार ल शांतिपूर्वक मनाये बर सहमत होइन अउ पुलिस प्रशासन कोति ले शांति व्यवस्था बनाये रखे खातिर अपील तको करे गिस। 

अऊ थाना तोरवा पुलिस के कोति ले महिला अउ बच्चा मनले संबंधित अपराध म त्वरित कार्यवाही करत नाबालिग बालिका के संग छेड़खानी करइया आरोपी ल तत्काल गिरफ्तार करे म सफलता पाये हाबे।