अंजोर.बिलासपुर। मुख्यमंत्री श्री भूपेश बघेल ह बिलासपुर म सड़क दुर्घटना म घायल जिम ट्रेनर विक्रांत प्रकाश के इलाज के खातिर 1 लाख 8 हजार 250 रूपिया के आर्थिक सहायता के स्वीकृति प्रदान करे हावय। येकर ले अब घायल विक्रांत प्रकाश के पूरा उपचार हो सकही। श्री बघेल ह ये राशि मुख्यमंत्री विशेष स्वास्थ्य सहायता योजना के तहत प्रदान करे हावय।
जानबा होवय के बिलासपुर सरकंडा निवासी जिम ट्रेनर विक्रांत प्रकाश 19 मार्च के नूतन चौक म सड़क दुर्घटना म घायल हो गे रिहिस, जेकर इलाज बिलासपुर म एक निजी अस्पताल म चल रिहिस हावय। मुख्यमंत्री भूपेश बघेल ह घटना के जानकारी मिलते ही संबंधित अधिकारी ल निर्देशित करके तत्काल घायल विक्रांत के इलाज के खातिर आर्थिक सहायता राशि प्रदान करे के निर्देश दिस।
मुख्यमंत्री ह जिम ट्रेनर विक्रांत प्रकाश के शीघ्र स्वास्थ्य लाभ के कामना करत मुख्यमंत्री विशेष स्वास्थ्य योजना के तहत नियम ल शिथिल करत तत्काल आर्थिक सहायता प्रदान करे हावय। ओमन सड़क दुर्घटना म घायल विक्रांत प्रकाश के इलाज के खातिर आगू अवइया सामाजिक संस्थान मनल तको धन्यवाद दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।