Balod Police : राजस्थान के ठग एमबीबीएस म भरती के नाम म देवरी म 3,95,023 के करिस धोखाधड़ी, गिरफ्तार

अंजोर.बालोद। बालोद पुलिस कोति ले मिले आरो के मुताबिक प्रार्थी राहुल गायकवाड पिता दरबारी राम गायकवाड निवासी देवरी थाना देवरी ह लिखित शिकायत करे रिहिस के अज्ञात मनखे डहर ले मेडिकल कॉलेज म भरती देवाये के नाम म ओकर ले 395023 रूपिया लेके उंकर संग धोखाधडी करे हावय। प्रार्थी के रिपोर्ट म थाना देवरी म अपराध क्रमांक 20/2021, धारा-420 भा.द.वि. कायम करके विवेचना म लिस।     

मामला के गंभीरता ल देखत वरिष्ठ पुलिस अधीक्षक श्री मीणा के मार्गदर्शन  अतिरिक्त पुलिस अधीक्षक अउ उप पुलिस अधीक्षक के पर्यवेक्षण अउ थाना प्रभारी देवरी के नेतृत्व म थाना देवरी अउ सायबर सेल के विशेष टीम गठित करके, टीम ल अज्ञात आरोपी के पतासाजी बर जयपुर राजस्थान रवाना करे गिस। ये टीम डहर ले तकनीकी साक्ष्य मनके आधार म कड़ा मेहनत करके प्रकरण के 02 आरोपी ल जयपुर राजस्थान ले गिरफ्तार करे हावय। आरोपी राहुल राघव डहर ले अपन कथन म बताइन के वो ह एप्पिसीनो टेक्नालाफजी प्रायवेट लिमिटेड म बिजनेस एनालिस्ट के पद म कार्यरत हावय, वो ह अउ ओकर दोस्त विकास शर्मा के एक्सीस बैंक के खाता क्र. 916010060497094 म 07.12.2020 ले 45000 रूपिया अउ 10.12.2020 ल 350023 कुल 3,95,023 रूपिया ल दोनो कैश अउ चेक के माध्यम ले निकाले प्रार्थी के संग धोखाधडी करे रिहिस।

आरोपी राहुल राघव पिता स्व.जगपाल सिंह राघव उमर 27 साल निवासी जयपुर, राजस्थान अउ विकास शर्मा पिता काजोड मल शर्मा जयपुर, राजस्थान मनके गिरफ्तारी म थाना प्रभारी देवरी नवीन बोरकर उपनिरीक्षक सउनि अजित महोबिया सायबर सेल ले प्रधान आरक्षक रूमलाल चुरेन्द्र, आरक्षक पुरन प्रसाद देवांगन, आरक्षक संदीप यादव,आरक्षक विवेक शाही, आरक्षक राकेश के महत्वपूर्ण भूमिका रिहिस।