बिलासपुर छत्तीसगढ़ खादी अउ ग्रामोद्योग मेला म जुरियावत हाबे भीड़

अंजोर.बिलासपुर। छत्तीसगढ़ खादी अउ ग्रामोद्योग बोर्ड कोति ले बिलासपुर के मुंगेली नाका ग्राउण्ड म चलत खादी अउ ग्रामोद्योग प्रदर्शनी मेला न्यायधानी के लोगन के आकर्षण के केन्द्र बने हाबे। मेला म 70 ले 75 स्टॉल म केऊ प्रकार के खादी अउ ग्रामोद्योग सामान म भारी छूट के संग बेचे जात हाबे। मेला ल बिलासपुर के जनता कोति ले खूब सराहना मिलत हाबे। मेला म आनी बानी के खादी वस्त्र, कोसा के वस्त्र, बनारसी साड़ा अउ हाथ ले जूट के बैग, लकड़ी के खिलौना, दैनिक उपयोग के घरेलू साज-सज्जा के सामान लोगन के आकर्षण के केन्द्र बने हाबे। खादी वस्त्र के खरीदी म 30 प्रतिशत तक के छूट अउ ग्रामोद्योग के उत्पाद के खरीदी म 10 प्रतिशत के छूट दे जाथे।