दू महीना ले लांघन-भूखन किंजरत झारखण्ड के नीमन ल सखी वन स्टाप सेंटर के मिलिस सहारा

अंजोर.बालोद। महिला अउ बाल विकास विभाग कोति ले जिला मुख्यालय म संचालित सखी वन स्टाप सेंटर म भटके महिला अउ लइका ल शासन के निर्धारित सुविधा अब मिल हाबे। सखी वन स्टाप सेंटर के प्रभारी केन्द्र प्रशासक के बताती सखी वन स्टाप सेंटर म 29 जनवरी 2021 म दूरभाष के माध्यम ले आरो मिलिस के एक महिला अउ बच्चा बालोद ले लगभग आठ किलोमीटर दूर दल्लीराजहरा मार्ग के दैहान मोड़ म भटकत रिथे। 

सूचना म सखी टीम अउ रेस्क्यू करके महिला अउ बच्चा ल लाके दूनो के स्वास्थ्य परीक्षण कराइन जेमा ओमन स्वस्थ पाए गिस। महिला अउ बच्चा कई दिन ले आसपास के गांव म भूखे-प्यासे भटके के सेती जादा बोले नी सकत हाबे। काउंसलिंग म ओमन दूसर के बात ल समझत हाबे फेर कुछू केहे नी सकत हाबे। सिरिफ अतका बात के जानकारी हो पाये हाबे के ओकर नाम नीमन पति मनुहर कण्डुल अउ झारखण्ड बताये हाबे। 

महिला ह अपन निवास स्थान के सही पता नी बता सकत हाबे ते सेती घर नइ भेजे जा सकिस, परिस्थिति ल देखत महिला अउ बच्चा के सुरक्षा ल धियान राखत जिला कार्यक्रम अधिकारी के निर्देश के अनुसार महिला अउ बच्चा ल पुनर्वास खातिर नारी निकेतन रायपुर भेजे गे हावय।