अंजोर.रायगढ़। रायगढ़ जिला म राष्ट्रीय सड़क सुरक्षा माह 2021 के 24 वां दिवस म रायगढ़ पुलिस अधीक्षक संतोष सिंह के मार्गदर्शन म यातायात पुलिस नवा उदीम करत रक्तदान शिविर के आयोजन करिन। ये शिविर म जिला के अधिकारी अउ जवान मन स्वैच्छिक रूप ले रक्तदान करके पुनीत कार्य के भागीदार बनिस। ये मउका म डीएसपी ट्राफिक पुष्पेन्द्र बघेल शिविर के आयोजन का उद्देश्य बतावत किहिन के अधिकांश सड़क दुर्घटना के प्रार्थी अउ पीड़ित पक्ष ल तत्कालिक ब्लड के आवश्यकता म कहीं भटकने ला पड़थे, यातायात पुलिस आहत मन खातिर ब्लड के व्यवस्था बर पीड़ित पक्ष के मदद करही।
सड़क दुर्घटना के घटित होए के बाद कोनो आहत/पीड़ित ल ब्लड के जरूरत होही जव ओमन गौशाला रोड स्थित कार्यालय उप पुलिस अधीक्षक यातायात रायगढ़ म आवें, तत्काल संबंधित ब्लड ग्रुप यूनिट प्रदाय करे कार्यवाही करे जाही। आयोजित रक्तदान शिविर म 40 यातायात अधिकारी, कर्मचारी सहित चौकी प्रभारी जूटमिल अमित शुक्ला अउ लायनेस क्लब के सदस्य मन उत्साहपूर्वक स्वैच्छिक रक्तदान करिन। एसपी संतोष सिंह शिविर पहुंचके रक्तदान करत अधिकारी अउ जवान मनके प्रशंसा करत शिविर म सहभागिता निभावत लायनेस क्लब मिड टाउन रायगढ़ अउ प्रबंधक संजीवनी हॉस्पिटल रायगढ़ ल धन्यवाद दिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।