गली-गली म नशा के गोली बेचइया ल पकडि़स थाना कबीर नगर पुलिस

अंजोर.रायपुर। छत्तीसगढ़ म नशा के कारोबार अतके‍ बगरत हाबे के अब लोगन मन दारू, गांजा, बीड़ी, माखूर ल छोड़ नशा के गोली खाए के तको आदि होवत हाबे। अऊ पुलिस तको सरलग अभियान चलाके अइसन आरोपी मनके धरपकड़ करत हाबे। मिले आरो के मुताबिक पुलिस अधीक्षक रायपुर के मार्गदर्शन म अवैध नशीला पदार्थों के विरुद्ध चलात अभियान के कार्यवाही के तारतम्य म आज नगर पुलिस अधीक्षक आईपीएस अंकिता शर्मा के कुशल निर्देशन म थाना कबीर नगर पुलिस ह मुखबीर ले मिले आरो आधार म कार्यवाही करत घूम-घूम के नशीला गोली बेचइया आरोपी नीरज कुमार कर्नल पिता नंद कर्नल उम्र 26 साल निवासी EWS/12 कबीर नगर के कब्जा ले नशीली गोली Alprazolam IP. 0.5 के 240 नग कीमती करीब रु 2500 अउ घटना म प्रयुक्त एक मोटर सायकिल CG 04 HM 7760 जप्त करके आरोपी के विरुद्ध धारा 21 NDPS  एक्ट के तहत कार्यवाही करत हुए आरोपी ल गिरफ्तार करे गिस।