गरीब के फायदा कराना अउ मूलभूत सुविधा देवाना सरकार के प्राथमिकता : मंत्री डॉ. डहरिया

अंजोर.रायपुर। नगरीय प्रशासन, विकास अउ श्रम मंत्री डॉ. शिवकुमार डहरिया ह नगर पालिका परिषद गोबरा नवापारा के डॉ. ए.पी.जे. अब्दुल कलाम सांस्कृतिक भवन म बैडमिंटन हॉल, इंडोर हाल, शेड, पेवर्स के अतरिक्त कक्ष के लोकार्पण अउ सीवरेज ट्रीटमेंट प्लांट निर्माण के भूमिपूजन करिन। ओमन लगभग 16 करोड़ रुपिया के विकास कार्य के लोकार्पण अउ भूमिपूजन करिन। 

ये मउका म ओमन किहिन के मुख्यमंत्री के नेतृत्व म प्रदेश म विकास के बुनियाद रखे जा हावय। मोला बहुत खुशी होवत हाबे के एक साल पहिली मोर कोति ले जो घोषणा करे गे रिहिसे आज वो गोबरा नवापारा म पूरा होगे। निश्चित ही ये बुता के लाभ क्षेत्र के लोगन ल मिलही। मंत्री डॉ. डहरिया ह किहिन के इंडोर अउ बैडमिंटन हॉल ले इहां के खिलाड़ी मनला आगू बढ़े के मउका मिलही। 15 करोड़ ले आगर के सीवरेज ट्रीटमेंट प्लांट ले सफाई सुनिश्चित होही। ओमन किहिन के नगरीय क्षेत्र म विकास कार्य के खातिर उंकर विभाग सजग हाबे। लोगन ल मूलभूत सुविधा उपलब्ध कराये के दिशा म हर सम्भव कोशिश होही। मंत्री डॉ. डहरिया ह किहिन के कोरोना काल म तको विकास के कार्य होते रिहिस, जेकर परिणाम आए के राज्य के योजना अउ राज्य स्तर म होए कतकोन बुता के पहचान राष्ट्रीय स्तर म बढ़े हावय। भारत सरकार ह स्वच्छता, शहरी आवास सहित आन मामला म छत्तीसगढ़ ल पुरस्कृत करे हावय। ओमन आगू किहिन के नगरीय निकाय ल सरकार लगातार सहयोग करत रइही। निकाय ल अपना राजस्व बढ़ाये के दिशा म कार्य करना चाहि।