अबूझमाड़ इतिहास, कला अउ संस्कृति पुस्तक के विमोचन : सांसद, विधायक मन लेखक शिवकुमार पाण्डेय ल दीस बधाई

अंजोर.नारायणपुर। अबूझमाड़ पीस हाफ मैराथन के तीसइया संस्करण के समापन समारोह म उपस्थिति अतिथि मन नगर के वरिष्ठ लेखक शिवकुमार पाण्डेय के लिखे अबूझमाड़ इतिहास, कला अउर संस्कृति नामक पुस्तिका के विमोचन करिन। ये पुस्तक म अबूझमाड़ के इतिहास, कला अउ संस्कृति सहित विकास गढ़त अबूझमाड़ ल एक सूत्र म पिरोये हावय लेखक शिवकुमार पाण्डेय। अबूझमाड़ इतिहास, कला अउ संस्कृति के प्रकाशक सरस्वती बुक्स ह करे हावय। ये मउका म राज्यसभा सांसद श्रीमती फूलोदेवी नेताम, हस्तशिल्प विकास बोर्ड के अध्यक्ष अउ स्थानीय विधायक चंदन कश्यप, भिलाई नगर विधायक देवेन्द्र यादव, जिला पंचायत अध्यक्ष श्रीमती श्यामबती नेताम, नगर पालिका अध्यक्ष श्रीमती सुनीता मांझी, जिला पंचायत उपाध्यक्ष देवनाथ उसेण्डी, नगर पालिका उपाध्यक्ष प्रमोद नेलवाल, के अलावा बस्तर आईजी श्री पी.सुंदरराज, पुलिस अधीक्षक मोहित गर्ग, एनएमडीसी भिलाई इस्पात संयंत्र के अधिकारीगण अबूझमाड़ पीस हाफ मैराथन के ब्रांड एम्बेस्डर अनुज शर्मा, अनुराग शर्मा संग केउ जनप्रतिनिधी उपस्थित रिहिस।