अंजोर.जगदलपुर। बस्तर जिल म कोरोना वायरस के संक्रमण ले बचाव अउ रोकथाम खातिर आम नागरिक के टीकाकरण करे जाही। जेकर खातिर 45 ले 59 आयु वर्ग के कोमार्बीड (पहिली ले कोनो बीमारी ले ग्रसित) अउ 60 वर्ष से जादा आयु वर्ग वाले नागरिक मनके टीकाकरण के शुभारंभ 1 मार्च के सुबह 9 बजे ले करे जाही। 60 ले जादा उम्र वाला मनके टीकाकारण जिला आयुर्वेदिक अस्पताल म करे जाही। येकर अलावा टीकाकरण कार्य ल संपादित करे खातिर स्व. बलिराम स्मृति चिकित्सा महाविद्यालय डिमरापाल, शासकीय नर्सिंग कालेज अउ एमपीएम हॉस्पिटल जगदलपुर म तको टीकाकरण करे जाही।
मिले आरो के मुताबिक शासकीय संस्थान म कोविड-19 के टीकाकरण आम नागरिक खातिर फोकट म रही अउ निजी चिकित्सा संस्थान एमपीएम अस्पताल म कोविड-19 के टीकाकरण शुल्क 250 रुपिया प्रति डोस के दर से ले जाही। टीकाकरण बर टीकाकरण केन्द्र म ही पंजीयन के सुविधा उपलब्ध रही। पंजीयन बर आवश्यक दस्तावेज के अन्तर्गत कोनो भी फोटो आई कार्ड जेमा आधार कार्ड, एपिक कार्ड, पासबुक, ड्राईविंग लायसेंस अउ शासकीय अभिलेख या आन दस्तावेज प्रस्तुत करना होही। येकर अलावा 45 से 59 आयु वर्ग के पहिली ले कोनो बीमारी ले ग्रसित व्यक्ति ल सक्षम चिकित्सा अधिकारी ले कोमार्बीड प्रमाण पत्र प्रस्तुत करना होही। संग म पंजीयन बर हितग्राही मनला अपन मोबाईल नम्बर तको दर्ज कराना होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।