अंजोर.मुंगेली। राज्य शासन के महिला अउ बाल विकास विभाग के निर्देश अनुसार मुख्यमंत्री कन्या बिहाव योजना ले सामूहिक बिहाव के आयोजन 27 फरवरी के जिला मुख्यालय के आर्दश कृषि उपज मंडी मुंगेली के प्रांगण म करे जाही। मुख्यमंत्री अउ महिला बाल विकास मंत्री कोति ले डिजिटल माध्यम ले आयोजित कार्यक्रम ल संबोधित करें अउ वर-वधु ल आर्शीवाद प्रदान करें जाही। ये संबंध म कलेक्टर पी.एस एल्मा ह जिला कलेक्टोरेट के मनियारी सभा कक्ष म आयोजित समय सीमा के बैठक म मुख्यमंत्री कन्या बिहाव योजना के तहत सामूहिक बिहाव के संबंध म जानकारी लिस अउ व्यवस्था आदि के संबंध म संबंधित मनला आवश्यक निर्देश दिस। ये मउका म महिला अउ बाल विकास विभाग के जिला कार्यक्रम अधिकारी राजेन्द्र कश्यप ह बताइन के मुख्यमंत्री कन्या बिहाव खातिर हरेक जोड़ा म 25 हजार रूपिया के प्रावधान करे गिस। जेमा 5 हजार रूपिया सामूहिक बिहाव के आयोजन खातिर, 5 हजार रूपिया गहना अउ 14 हजार रूपिया के राशि उपहार समाग्री म व्यय होही। बांचे 1 हजार रूपिया के राशि नोनी ल चेक के माध्यम ले दे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।