बिगर मास्क के घूमे म होही अब फेर कार्यवाही

अंजोर.बिलासपुर। पुलिस अधीक्षक बिलासपुर प्रशांत अग्रवाल के निर्देशन म शहर के सबो थाना क्षेत्र म बिना मास्क लगाये घूमइया लोगन मनला समझाइस देके जागरूक करे गिस अउ कुछ लोगन उपर कार्यवाही तको करे गे हावय। पुलिस के कार्यवाही म लगभग 350 लोगन मन बिगर मास्क लगाये घूमत पाइन जेमनला सौ-सौ रुपिया के फाइन जमा कराये गिस। कोविड-19 के संक्रमण ल देखत अइसन कार्यवाही आगू तको सरलग होही। बिलासपुर पुलिस ह आम जनता ले अपील करे हावय के घर ले मास्क लगाके ही निकलव। काबर के कोरोना ले लड़ाई अभी सिराये नइय।