आत्मसमर्पित सीताराम घसिया करिस आन नक्सली मनले समाज के मुख्यधारा ले जुड़े के गेलौली

अंजोर.बलरामपुर। छत्तीसगढ़ के पुलिस ह छत्तीसगढ़ राज्य के नक्सल प्रभावित ज़िला म नक्सल गतिविधी म भटके मनखे मनला शासन के विशेष पुनर्वास नीति के बारे म बतावत उंकर घर वापसी खातिर विशेष अभियान चलाये जाथे। इही पांत म पुलिस महानिरीक्षक सरगुजा रेंज सरगुजा आर.पी. साय (भापुसे) अउ पुलिस अधीक्षक बलरामपुर रामानुजगंज रामकृष्ण साहु (भापुसे) महोदय निर्देशन म पूरा जिला म अभियान चलाया जाथे अउ सरकार के नीति ले प्रभावित होके इनामी नक्सली सीता राम घसिया ह पुलिस अधीक्षक के समक्ष आत्मसमर्पण करे हावय।

मिले आरो के मुताबिक सीताराम घसिया उपर पुलिस उहर ले 45000 के इनाम रखे गे रिहिसे। नक्सली सीताराम घसिया 2003-04 नक्सली संगठन एमसीसी संगठन म शामिल रिहिस जिहां 2004 म चलगली पुलिस ह प्रकरण दर्ज करके ओला जेल भेजे रिहिसे। 2005 म जेल ले छूटे के बाद फेर नक्सली संगठन भाकपा माओवादी म अपन पत्नी देवंती के संग शामिल होगे। पुलिस ह सीताराम घसिया के बारे म यहू बताये हाबे के ओमन झारखंड, बिहार,  नेपाल, चाईना बॉर्डर तको जाके एरिया कमांडर के रूप म नेतृत्व करय। आखिर म अपनेच ह पुलिस अधीक्षक बलरामपुर रामानुजगंज तीर आत्मसमर्पण करिस। 

आत्मसमर्पण के बाद पुलिस अधीक्षक बलरामपुर रामानुजगंज के रामकृष्ण साहु (भापुसे) महोदय ह दिशा भटके सबो लोगन ले अपील करिन के नक्सल गतिविधी ले बाहिर आके समाज के मुख्यधारा ले जुड़के देश हित बुता करय जेमा हमर पूरा पुलिस परिवार बलरामपुर शासन के नीति के लाभ देवावत सुघ्घर जीवन के सुरूआत करे म पूरा सहयोग करही।