सूरत गुजरात ले करोड़ों रूपिया के ठगी करइया ल धरिस माना पुलिस

अंजोर.रायपुर। आन राज के ठग मन छत्तीसगढ़ म डेरा जमाये हाबे अऊ इहां के आम जनता के संग बैपारी मनला तको लुटत हावय। मिले आरो के मुताबिक अइसने एक ठग ल साइबर सेल अउ थाना माना रायपुर कोति ले पकड़े गे हावय। आरोपी ह शक्कर भेजे के नाम म देश भर म करोड़ों रूपिया के ठगी करे हावय। अंतर्राज्यीय आरोपी हितेश मधु नाव के आदमी ह शक्कर व्यवसायी मनला फांसे। आरोपी ह शक्कर भेजे के नाम म प्रार्थी ल अपन झांसा म लेके अलग-अलग किश्त म कुल 69121260 रूपिया के ठगी करे रिहिस। आरोपी मूलतः गुजरात के निवासी जोन सोलापुर (महाराष्ट्र) म रहिके शक्कर के व्यापार करय। आरोपी के विरूद्ध थाना माना म अपराध क्रमांक 32/21 धारा 420 भादवि. के तहत् अपराध पंजीबद्ध करे गे हावय।