अंजोर.रायपुर। खाद्य विभाग रायपुर कोति ले न्यू नाइस बेकरी, बोरियाखुर्द अउ शांति एच.पी. गैस एजेंसी, न्यू राजेन्द्र नगर सहित श्री गणेश बॉयो फ्यूल्स, रावांभांठा के आकस्मिक जांच करत 1599 गैस सिलेण्डर अउ 25964 लीटर तथाकथित बॉयो डीजल जप्त करे गे हावय। व्यवसायिक गैस सिलेण्डर के कारोबार म गैस कंपनी के अवैध रूप ले बिना सुरक्षा निधि जमा करे एस.व्ही. व्हाउचर बनाये अउ गैस कार्ड दे बिगर कारोबारी मनला व्यवसायिक सिलेण्डर देके शिकायत के ये कार्यवाही करे गिस। अइसने डीजल के स्थान म आयतित तरल उत्पाद के नाम बदलकर बॉयो डीजल विक्रय करे के तको शिकायत मिलत रिहिस जेकर आधार म रायपुर कलेक्टर डॉ. एस. भारतीदासन के निर्देश म संबंधित फर्म के जांच कर कार्रवाई करे गिस।
खाद्य नियंत्रक तरूण राठौर के निर्देश म सहायक खाद्य अधिकारी संजय दुबे, अरविंद दुबे, मदन मोहन साहू अउ खाद्य निरीक्षक कु. रीना साहू, मनीष यादव द्वारा संबंधित फर्म के जांच करिन। जेमा मेसर्स न्यू नाइस बेकरी म 56 हिन्दुस्तान पेट्रोलियम कंपनी के 19 किलो वाला गैस सिलेण्डर ओवन चलाये बर लगाये रिहिस। मउका म 52 नग भरे हुये व्यवसायिक सिलेण्डर पाये गिस। न्यू नाइस बेकरी अउ शांति एच. पी. गैस एजेंसी कोति ले द्रवीकृत पेट्रोलियम गैस (प्रदाय अउ वितरण विनियमन) आदेश 2000 के धारा के उल्लंघन संबंधी प्रकरण ल अग्रिम कार्यवाही खातिर प्रेषित करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।