छत्तीसगढ़ राज्य ओपन स्कूल परीक्षा समय-सारणी घोषित, ऑफलाइन मोड म 24 मई ले 15 जून तक

अंजोर.रायपुर। छत्तीसगढ़ राज्य ओपन स्कूल कोति ले एसो आयोजित होवइया मुख्य अउ अवसर परीक्षा के समय-सारणी आज घोषित करे गिस। छत्तीसगढ़ राज्य ओपन स्कूल कोति ले घोषित समय-सारणी के अनुसार ओपन स्कूल के मुख्य अउ अवसर परीक्षा 24 मई ले सुरू होगे 15 जून तक समाप्त होही। छत्तीसगढ़ राज्य ओपन स्कूल के सचिव प्रो. व्ही.के. गोयल के बताये मुताबिक मुख्य परीक्षा ऑफलाइन मोड म आयोजित करे जाही। परीक्षा केन्द्र म केन्द्र सरकार अउ राज्य सरकार ह समय-समय म जारी करे कोरोना महामारी संक्रमण के बचाव के खातिर सबो बिन्दु के पालन करे जाना अनिवार्य करे हावय। मुख्य परीक्षा के समय-सारणी मंडल की वेबसाइट म उपलब्ध हावय।

अउ प्रायोगिक परीक्षा मुख्य परीक्षा के बीच म ही आयोजित करे जाही। प्रायोगिक परीक्षा के खातिर एसो वर्ष कोरोना महामारी के सेती प्रायोगिक परीक्षा म बाह्य परीक्षक के अनिवार्यता ल समाप्त करे गे हावय। आंतरिक परीक्षक ह प्रायोगिक परीक्षा पूरा कराही। प्रायोगिक परीक्षा, परीक्षा केन्द्र म ही आयोजित होही।