माड़ के झाड़ू ले देश के राजधानी दिल्ली होवथाबे चकाचक, सीएम पहुचिस फूलझाडू प्रसंस्करण केंद्र

अंजोर
0


अंजोर.नारायणपुर। मुख्यमंत्री भूपेश बघेल ह अपन नारायणपुर प्रवास के दूसर दिन जिला मुख्यालय नारायणपुर म वन विभाग कोति ले संचालित फूलझाडू प्रोसेसिंग केन्द्र के अवलोकन करिन। मुख्यमंत्री भूपेश बघेल ह इहां स्थानीय आदिवासी महिला मनला रोजगार ले जोड़के ओ मनला आर्थिक रूप ले सक्षम बनाये के गतिविधी आरो लिस। ये मउका मा ओमन उहां बुता करइया मन ले बड़ आत्मीयता ले मिलिस अउ झाडू बनाये ले लेके मार्केटिंग के संबंध म तको बातचीत करिन। मुख्यमंत्री बघेल ल महिला मनला बताइन के उंकर बनाये माड़ के फूलझाडू ले छत्तीसगढ़ के अलावा 45 हजार फूलझाडू देश के राजधानी दिल्ली भेजे गे हावय। माड़ के झाड़ू के योगदान देश के राजधानी दिल्ली ल तको चकाचक करे म होत हावय।

वन विभाग के अधिकारी कोति ले बताये गिस के साल 2019-20 म फूलझाडू़ निर्माण परियोजना अंतर्गत 315.45 क्विंटल कच्चा माल संग्रहण करे गे हावय, जेकर 9.46 लाख रूपिया के भुगतान संग्राहक मनला करे गे हावय। प्रसंस्करण केन्द्र के माध्यम ले स्व-सहायता समूह के महिला मनला 2.29 लाख रूपिया के मजदूरी अउ 3.81 लाख लाभांश के भुगतान तको करे गे हावय। अइसने वित्तीय साल 2020-21 म राज्य शासन के एमएसपी के तहत 249.10 क्विंटल कच्चा माल फूलझाडू़ बनाये खातिर संग्रहित करे गे हावय जेकर खातिर 12.45 लाख रूपिया के भुगतान करे गे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !